Mateo 14:25 - Amazwi Yakwe Leza 2013

²⁵ Lyene pa macaca Yesu aiiza kunoyali ala akupita pa manzi.

Mateo 14:25 Referans Kwoze

Yobo 9:8

A Leza sile wenga mpo uwanzike iyulu, nu kulyatilila pa maimbi akalamba apali yemba.

Yoane 6:19

Walanga alondezi yafiya wato ukuya mukasi kakwe yemba, manye kulingana na makilomita yatatu na citika, yalola Yesu akupalama ku wato, ala akupita pa manzi. Alino yuvwa intete.

Mako 6:48

Waweni ukuti alondezi yakwe yali atonte pa kufiya, pano cipunga cafumanga kuno yayanga. Lyene pa macaca, Yesu aiiza kunoyali, ala akupita pa manzi. Wali pipi nu kuyapuzya,

Mateo 24:43

Nupya manyini ukuti mwine ng'anda ndi amanyile insita ino aivi yakwiza, atangakasula nupya atangaleke yatame ng'anda yakwe.

Luka 12:38

Alongo ayao yano alazana aiteyanye, nanti angala angiza usiku pakasi, nanti pa macaca!

Masamu 104:3

Napa manzi ya mwiyulu ali pano wakuula Ng'anda yako. Amakumbi ali yano wacita iceleta lyako. Umu muza ali muno wemo ukapitila.

Umbwilo 10:5

Lyene mungeli wino naweni aimi pali yemba na pa musili atumpula ikasa lyakwe kwiyulu

Umbwilo 10:2

Wene wakweti kalupapulo kanono kano kali akakupulwe mwi kasa lyakwe lilunji. Wene alyata lwazo lwakwe lwilunji pali yemba nga nu lwimani pa musili,

Umbwilo 10:8

Lyene izwi lino nuvwile kufuma mwiyulu nupya ilinena liti, “Pita katole kalupapulo kanono akakupulwe kano akali mwi kasa lya mungeli wino lwazo lwakwe longa lulyasile pali yemba nu luze pa musili.”

Mako 13:35

Caleka, pempulini, pano mutamanyile kasita lino umwine wa ng'anda ali nu kwiza, limwi ku manguzi lino ilanzi lyawa, nanti usiku pakasi, nanti pa macaca, nanti lino ilanzi lyatunka.