Mateo 14:19 - Amazwi Yakwe Leza 2013

¹⁹ Alino apeela ilamulo ku antu kuti ikale pa masote. Alino Yesu atoola mikate isano ni nswi ziili, alingamila kwiyulu, ataizya kuli Leza. Lyene amokoola mikate, nga apeela alondezi yakwe nga nao yapela antu.

Mateo 14:19 Referans Kwoze

Luka 24:30

Lyene lino watenzi nao pa cakulya, atoola mukate, ataizya, aumokoola, alino aupela kunoyali.

1 Samueli 9:13

Lino mumaingila mu musumba mumamuzana ale atacili aye pa kavuwa pa mwamba ku kulya. Antu yatangatandika ukulya lino wene atacili waya kweneko, pano wene alinzile apolelele impolelwa lino yao amilwe yatali yalye. Fwandi pitini mutumbele umwamba, nga mumaya mukamuzane likwene.”

Milimo 27:35

Pacisila cakuvwanga cii, Paulo atoola mukate, ataizya kuli Leza pa manso yao, aumokoola, nga atandika ukulya.

Mako 6:41

Alino Yesu atoola mikate isano ni nswi ziili, alingamila kwiyulu, ataizya kuli Leza. Lyene amokoola mikate, nga apeela alondezi yakwe kuti yankanye antu. Apeela ni nswi ziili ku alondezi yakwe kuti yankanye antu.

1 Kolinto 11:24

ataizya kuli Leza, aumokoola, nga avwanga ati, “Uu, uli mwili wane, uno wapelwa pamulandu winu. Mwacita cii pa kunjiusya.”

Loma 14:6

Wino wensi akacindikisya uwanda umwi, wene akacita cii mu kucindikilamo Mwene. Na wino wensi akalya cilyo cili consi wene akacita cii mukucindikilamo Mwene, pano akataizya Leza pa cilyo. Na wino wensi akakana kulya vintu vimwi, wene akacita cii mukucindikilamo Mwene nga nu kutaizya Leza.

Kolose 3:17

Vyonsi vino mukucita nanti kulanda, nanti mukuomba milimo, mulinzile mucitile mwi zina lya Mwene Yesu, lino mukutaizya Leza Tata muli Klistu.

1 Kolinto 10:16

Pa Cimulo ca Mwene, lino tukamwa mu lwako nu kutaizya Leza, uzye tusyakumako ku kwankana wazi wakwe Klistu? Lino tukamokoola umukate nu kulya, uzye tusyakumako ku kwankana mwili wakwe Klistu?

Luka 9:14

Pali antu aonsi manye mazimbi yasano. Yesu anena alondezi yakwe ati, “Nenini antu ikale pansi mu maumba maumba, cila umba manye makumi yasano.”

Mako 7:34

Lyene Yesu alingamila kwiyulu, aisya umwenzo, amuvwanzya ati, “Efata,” kuli kuti, “Yulika!”

1 Kolinto 10:31

Endi, consi cino mukucita, cingaya ukulya nanti kumwa, mucicite ku lulumbi lwakwe Leza.

Yoane 6:23

Alino amato na yauze, yao afumile ku Tibelyasi, yasuka iiza. Pali pipi na pa ncende pano Mwene wataizye kuli Leza pa mukate nu kupeela iumba kuti lilye.

Mako 6:39

Yesu apeela ilamulo ku alondezi yakwe kuti yateke antu pansi mu maumba maumba.

Yoane 11:41

Alino yasisya iwe. Lyene Yesu alingamila kwiyulu avwanga ati, “Tata, nakutaizya pano wanguvwa.

Luka 22:19

Alino atoola umukate ataizya Leza, aumokoola, alino aupela kunoyali, avwanga ati, “Uu uli mwili wane, uwapeelwa pamulandu winu. Mwacita cii pa kunjiusya.”

Luka 9:16

Alino Yesu atoola mikate isano ni inswi ziili, alingamila kwiyulu, ataizya kuli Leza. Lyene amokoola mikate, apeela alondezi yakwe kuti yankanye antu.

Mateo 14:18

Nawe ayanena ati, “Letini kunondi.”

Luka 22:17

Lyene Yesu atoola ulwako, ataizya Leza, avwanga ati, “Tolini lwako luu, nu kumwamo mwensi kwene.]