Mateo 13:46 - Amazwi Yakwe Leza 2013

⁴⁶ Lyene lino wazana mbela yamutengo ukulu cuze apita aya akazya vyonsi vino wakweti, nga aiiza aikala.

Mateo 13:46 Referans Kwoze

Efeso 3:8

Nemo nacepesya pa antu yao ali anono kuluta mu antu yakwe Leza onsi. Lelo Leza wampile maka akukosola Ilandwe Lisuma ku Akulukuwa, ilya pa vya ukama wakwe Klistu uno utakwata cipimo.

Kolose 2:3

Klistu ali mfungulo ya kumanya nkama yakwe Leza, nga mano nu kumanya konsi vyafiswa munoli.

Milimo 20:24

Lelo ntasakamile pa umi wane, pano nkulonda sile kuti imale umulimo uno Mwene Yesu wampile ukucita, uwa kukosola Ilandwe Lisuma lya pamulandu wa cikuku cakwe Leza.

Mateo 13:44

“Uwene wa mwiyulu ukoline na cino cikacitika lino umwi wazana cuma camutengo cino umuntu wafisa mu musili mu calo. Lino wiza wacizana, nawe acifisa nupya, nga mu luzango apita, aya akazya vyonsi vino akweti, nga aiiza akala calo kwene cico.

Ezaya 33:6

Wene alamupeela umutende ufumaluke mu manda inu pano nsi. Wene alamupeela ukucenjela nu kumanya kuti vice vimupususye. Ukoopa Yawe ali kuno kukaletela umuntu cuma kwene cii.

Mapinda 2:4

Uwavilondelela kuno vili kwati a siluva nanti icuma cimwi cino yafisa.

Umbwilo 21:21

Mpongolo ikumi na ziili ali mbela ikumi na ziili. Cila mpongolo yapanzilwe ni mbela yonga. Museo ukulu uwamu musumba wali uwakwe zaabu muswepe, muyengese wi galasi.

Galatiya 6:14

Lelo nemo ntalatala njilumbe pa cintu cili consi suka sile lupanda lwakwe Klistu. Pano wene wafwile pa lupanda, lyene kunondi vya munsi vili wa vifwe nga nani ku vyamu nsi indi kwati nafwa.

Mateo 13:45

“Nupya Uwene wa mwiyulu ukoline na cino cikacitika lino mulonsi akulondalonda mbela yamutengo.

Mateo 13:47

“Nupya kwene Uwene wa mwiyulu ukoline na cino cikacitika lino yamwi yasumba isumbo pali yemba, nga nu kulema inswi zya misango yonsi.

Umbwilo 18:12

Kusi umwi uwakukala zaabu, nanti siluva, nanti mawe amutengo ayengese, nanti mbela. Kusi umwi uwakukala nsalu zitiswe, nsalu ziyenzulukile na siliko ni nsalu ziyenzu, ni misango yonsi ya miti ya mununko usuma nga ni misango yonsi ya vintu ivyapangilwa ku mino ya nzovu, nga ni miti yamutengo na vyakwe safwali ni cela, ni iwe lya malibo,