Mateo 13:38 - Amazwi Yakwe Leza 2013

³⁸ Calo cikwimilila insi. Imbezu zisuma zikwimilila antu amu Wene. Kalolo nawe akwimilila antu ya mwanisi wakwe Leza.

Mateo 13:38 Referans Kwoze

Yoane 8:44

Mwemo mwemwe ana ya Musomvi, wii ali so, nupya mwatemwa kulondela kucita kulonda kwakwe. Kufuma nu ku utandiko kwene wali inkomi. Atatala aya mwa cumi pano wene cumi citaya munoli. Lino akuvwanga ntumpu, ala wene kunoli uli mwata, pano uwa ntumpu nupya aliwe uwazitandike.

Milimo 13:10

“We mwana wakwe Ciwa! Wewe mwanisi wa wololoke. Mwenzo wako wazulamo misango yonsi ya micitile yankota. Uzye alilaci lino ulata kutumpwila vyawololoke vya Mwene?

Utandiko 3:15

Nika uwanisi pakasi kako nu mwanaci, pakasi ka mwana wako nu mwana wakwe. Alakufwamfwanta ku mutwe, nga nawe ulamuluma ku cintunta.”

1 Petulo 1:23

Citini cii pano Leza ali So uwamupeela umi upya pa kuyela ilandwe lyakwe lya umi upya lya manda pee.

Yakobo 1:18

Ku kulonda kwakwe umwisikulu wene watupeela umi kupitila mwi Landwe lya cumi, kuti tuye wa vizao vyankolelo pa viumbwa vyonsi.

Mateo 13:19

Yao akauvwa mazwi yano yakalanda vya pa Wene wakwe Leza kwaula kuyamanyikisya, yakoline wa mbezu izyaponile umu mbali ya nzila. Lelo mwanisi wakwe Leza aiiza afumya mazwi yano atewa mu myenzo yao.

1 Yoane 3:2

Mwe yacuza yane, ndakai sweswe ana yakwe Leza. Citamanyike vino tulaya. Lelo twamanya ukuti lino Klistu alaloleka, swemo tulakolana nawe, pano tulamulola ndi vino waya.

Kolose 1:6

Ilandwe Lisuma likutwalilila kuleta upolelelo nupya likusalangana mu nsi yonsi, ndi vino likacita lyonsi pakasi kinu kufuma pa wanda uno mwatandike kuvwa pa cikuku cakwe Leza nu kucimanyikisya vino caya.

Loma 16:26

Lelo ndakai cumi cico casokololwa apaswe muli vino yakasema yalemvile. Lyene Leza, uwa manda pe nawe wapela ilamulo kuti nkama imanyikwe ku nko zyonsi pakuti antu yonsi yataile nu kuyela.

Loma 10:18

Lelo uzye nimati aina Izlaeli yatuvwile? Awe! Mucumi yene yuvwile. Cili ndi vino calembwa mu malembelo cati, “Ilandwe lino yakosozile lyuvwika konsi muno nsi Mazwi yano yakosozile yasalangine kufika nu ku mpela ya nsi.”

Loma 8:17

Lyene pano twaya ana yakwe Leza tulapokelela upolelelo uno walaya antu yakwe nu kwiza pokelela pamwi na Klistu vino Leza wamuteyanyizizya. Pano ndi twakuma ku kucula pamwi na Klistu ale tulakumako nu kululumbi lwakwe kwene.

Yoane 12:24

Cumi namunena vino lupece lwa ngano luno lwaponela mu musili lutanga sanduluka, suka ndi lwatala lwafwa. Lelo ndi lwafwa, lyene lumaleta mpece zyuze zingi lino lwaseeka.

Luka 24:47

nga nu kuti mwi zina lyakwe kuye kukosola ku antu amu nko zyonsi, kutandikila mu Yelusalemu, pakuti yazenzuke nu kuti Leza ayelele maifyo yao.

Mateo 24:14

Ni Landwe Lisuma lii lya Wene lilakosolwa mu nsi yonsi kuya umboni ku antu amu nko zyonsi, alino mpelelekezyo iliiza.

Oseya 2:23

Nemwisikulu ndiika antu yane aina Izlaeli mu mpanga ilya kuti yaye akwane. Ndalanga ulukundo kuli wiyo akaamwa ukuti ‘Asi mukundwe wane.’ Antu yano yakaamwa ukuti ‘Yasi antu yane,’ ndayanena inti, ‘Mwemwe antu yane.’ ”

Ezaya 53:10

Leza nawe ali pakuvwanga ati, Icacumi anene kwene nalonzile ukuti muomvi wane acule, apakuti ku mfwa yakwe akuno kuye impolelwa yakulipila pa ui, pano lyene angakwata impyanyi, angalengela na panonsi, na vino nemo nateinye angaleka ukuti vyacitika ningo.

Masamu 22:30

Amu mikulo yamu manda akwiza yalatumikila Yawe. Yene yalalanda imilandu ya Mwene ku mikulo ikwiza.

Umbwilo 14:6

Nupya ndola mungeli muze akupapuka mwiyulu papelapela, ala asenzile Landwe Lisuma lya manda pe kuti akalande ku antu amuno nsi amisango yonsi, mitundu, ni ndimi ni nko zyonsi.

Yakobo 2:5

Uvwini, mwe inane yakundwe! Leza wasolwile apina amu nsi ii kuti ayacite akama mu utailo nga kuti yakumeko ku wene uno walavile yao amutemwa.

Mateo 5:37

Lelo lino mukuzumila mazwi inu muvwange muti, ‘Ee’ nanti lino mukukana muti, ‘Awe.’ Mazwi yauze kuluta pali yaa, yene yakafuma kuli Ciwa, Mwipe wilya.

Mateo 8:12

Lelo antu yano yange yaye mu wene yene yalasumbwa kunzi mu mfinzi, mumo muno yalalila nu kulumanya ncecete pamulandu wa kuwaika.”