Mateo 12:48 - Amazwi Yakwe Leza 2013

⁴⁸ Yesu amuuzya ati, “Uzye mayo aweni, nupya aina yane aaweni?”

Mateo 12:48 Referans Kwoze

Mateo 10:37

Wino wensi uwatemwa isi na nyina kuluta nene wene ataine kuya mulondezi wane. Na wino wensi uwatemwa umwana umonsi nanti kaci kuluta nene, wene ataine kuya mulondezi wane.

Luka 2:52

Yesu wakulanga ku mwili nu mu mano, ala akutemwikwa na Leza nga na antu.

Malango 33:9

Yene yalanzile ucumi wao kunuli Ukuluta vino yalanzile ku akwasi, nu ku ina yao, nanti nu ku ana yao. Yene yayezile amalamulo yako Nupya yali acumi ku upangano wako.

2 Kolinto 5:16

Caleka ndakai tusyapingula antu kulingana na vino yakaloleka. Nanti angala pa nsita imwi twatazile tupingula Klistu kulingana na vino muntu akaloleka, lelo ndakai tusyacita vivyo.

Luka 2:49

Nawe ayauzya ati, “Uzye pacani mwali mukundonda? Uzye mutamanyile vino ndinzile kuzanwa mu Ng'anda yakwe Tata?”

Mateo 12:47

Alino umuntu umwi anena Yesu ati, “Ala nyoko na anyonko yaimi panzi yakulonda kuvwanga nawe.”

Mateo 12:49

Alino lyene asonta pa alondezi yakwe, avwanga ati, “Lolini, yaa, ali yamayo, nupya ali ina yane.