Mateo 12:35 - Amazwi Yakwe Leza 2013

³⁵ Muntu musuma akafumya vintu visuma mu visuma vino wasunga mu mwenzo wakwe. Nu muntu mwipe akafumya viipe mu viipe vino wasunga mu mwenzo wakwe.

Mateo 12:35 Referans Kwoze

Kolose 4:6

Mvwango zinu zilinzile kuya zisuma nupya zyakuzanzya antu, nupya mulinzile kumanya musango uno mungaasukilamo umuntu ali wensi.

Mapinda 15:28

Yawe akafuntuka uku antu aipe, lelo akauvwa ukulenga kwa asuma.

Mapinda 15:4

Amazwi amutembo yali wa muti uno ukapeela umi, lelo amazwi aukali yakacisa umwenzo.

Kolose 3:16

Lekini Ilandwe lyapali Klistu likale mu myenzo inu, mu ukama wi landwe mwasambilizyanya nu kutungululana na mano onsi. Mwaimbi nyimbo zya kulumbanya, ni zyamuzilo kuli Leza. Mwaimbila Leza ni ntaizyo mu myenzo inu.

Mateo 12:34

Mwe ana ya nzoka mwe! Uzye mungavwanga uli vintu visuma lino mwemwe yaipe? Pano mulomo ukavwanga vintu vizile mu mwenzo.

Efeso 4:29

Mutaomvya mazwi akucisa. Lelo omvini mazwi asuma akwazwa, mazwi akakuula nu kupeela vikulondekwa, pakuti vino mukulanda viye vyakwazwa yao akumuvwa.

Mapinda 15:23

Ukwasuka ningo kukasansamusya umuntu, nu kulanda amazwi asuma kwazipa.

Mapinda 12:6

Amazwi ya muntu mwipe yakakomesya, lelo amazwi ya muntu musuma yakatuula antu.

Mateo 13:52

Alino ayanena ati, “Caleka kasambilizya wa Masunde wensi wino uwaya mulondezi wa Wene wa mwiyulu wene akoline nu mwine ng'anda, wino akafumya vyuma vyakwe vipya ni vikote mu nkoma yakwe.”

Mateo 7:17

Mu musango uli onga kwene, umuti onsi usuma ukaseeka vizao visuma, lelo umuti uwipe ukaseeka vizao viipe.

Luka 6:45

Muntu musuma akafumya vintu visuma pamulandu wa visuma vyaya mu mwenzo wakwe. Muntu mwipe nawe akafumya vintu viipe pamulandu wa viipe vyaya mu mwenzo wakwe. Pano mulomo ukavwanga vintu vizile mu mwenzo.

Yobo 8:10

Kwene leka sile ivikolwe vyampiti vikusambilizye pali cico. Wemo kutikila sile, uuvwe vino vikukusunda.