Mateo 12:33 - Amazwi Yakwe Leza 2013

³³ “Ndi mwavwanga mwati, umuti uu usuma, kuli kuti ni vizao vyauko ivisuma. Lelo ndi mwati umuti uu uwipe ala ni vizao vyauko iviipe. Pano umuti onsi ukamanyika ku vizao vino ukaseeka.

Mateo 12:33 Referans Kwoze

Yakobo 4:8

Mupalame kuli Leza, nga nawe amapalama kunomuli. Mwe yakaifya, namwe fulalini minwe inu! Mwe asomvi, namwe swefini myenzo inu!

Amosi 5:15

Patini iviipe, temwini ivisuma. Sininkizini ukuti mukucita ulungami mu matengo inu amilandu. Namanye limwi alino Yawe Wamaka yonsi alaya na mizu pa antu yonsi asyala amu mutundu wakwe Yosefu.

Luka 3:9

Na ndakai kwene impasa iteyanyiziwe ku kusinda imiti pa visinte. Umuti onsi uno usiseeka vizao visuma ulakomwa nu kusumbwa mu moto.”

Yakobo 3:12

Inane, uzye musamvu ungaseeka maolivi? Uzye mutingi ungaseeka masamvu? Nanti uzye manzi asangalale yangafuma mu kafukoka ka manzi ali nu musilya?

Ezekelo 18:31

Tiini iviipe vyonsi vyampiti. Senulini amano inu ni myenzo inu. Uzye icani cino mwe ina Izlaeli mungalondela ukufwila?

Mateo 23:26

Mwe Afaliseo mpafu! Nkolelo mutale mufule ingako ni mbale mukasi nga lyene nu kunzi kwene zimaya zifule.