Mateo 12:32 - Amazwi Yakwe Leza 2013

³² Wino wensi alavwanga mazwi aipe pa Mwana wa Muntu angelelwa. Lelo wino wensi alavwanga mazwi aipe pali Mupasi Wamuzilo wene atalelelwa, ndakai ni nsita ikwiza.

Mateo 12:32 Referans Kwoze

Mako 3:29

Lelo wino wensi alavwanga mazwi ya misuli pali Mupasi Wamuzilo wene atalelelwa, pano ale watacita iifyo litalatala lyelelwe.”

Yoane 7:39

Lino Yesu wavwanzile cii, wavwanzile pamulandu na Mupasi Wamuzilo wino yano amutaila yalapokelela. Pa nsita ilya walanga Mupasi Wamuzilo atali kuti apelwe, pano ala Yesu atali atumpulwe nu kupelwa ululumbi.

1 Timoti 1:13

Wene wacisile cii nanti angala mu manda apita cisila namuvwangile viipe, nu kumuzunya nga nu kumutuka. Lelo Leza wali na mizu kunondi pamulandu wakuti lilya ntakweti utailo nupya ntamanyile cino nacitanga.

Tito 2:12

Cikuku kwene cii cikatutungulula kuti twakana uwikazi usi wa upefi ni vilondwa vyamu nsi. Na kuti lyene twaikanya, twacita visuma nu kwikala umi uwa upefi muno nsi,

Efeso 1:21

Kuku akuno Klistu waya a kateeka papela yakwe yakateeka onsi, intunguluzi zyonsi, maka nga na pa mazina yauze yonsi a utesi wa mukulo uu nu mu mukulo uuliza.

Milimo 3:19

Caleka zenzukini, nu kuswilila kuli Leza pakuti nawe amwelele maifyo inu,

Luka 12:10

“Wensi wino alavwanga izwi liipe pa Mwana wa Muntu Leza alamwelela, lelo wino wensi alavwanga mazwi ya misuli pali Mupasi Wamuzilo wene Leza atalamwelela.

Mateo 12:31

Caleka namunena vino, maifyo ya antu na mazwi yao a misuli kuli Leza yonsi yangelelwa. Lelo wino wensi alavwanga mazwi ya misuli pali Mupasi Wamuzilo wene atalelelwa.

Yobo 36:13

“Lelo antu asi yapefi yakaikala asoke, Nalino Leza wayanyepa umu myando, awe cumi yene yasi nu kumupapata foo.

1 Timoti 1:15

Muvwango uu, uwa cumi wakuti, Klistu Yesu wizile muno nsi ku kutuula yakaifya. Nupya nene kaifya uwaluta onsi.

Yoane 7:12

Mwi umba mwali ukutotozana cuze pamulandu na aliwe. Yamwi yati, “Wene umuntu musuma”, nga yauze nao yati, “Awe! Pano akupuulola antu.”

Luka 23:34

Lyene Yesu avwanga ati, “Tata, uyelele, pano yatamanyile cino yakucita.” Lyene pakwankana vizwalo vyakwe yapendola.

Mako 10:30

atangapokelela ivingi kuluta mu nsita kwene ya mukulo uu. Alapokelela vintu vii kuluta, mang'anda, aina yakwe, yakaci yakwe, ya nyina, ana ni vyalo, nga nu kuzunyiwa kwene, nga nu umi wapee mu mukulo uuliza.

Yoane 7:52

Nao yamunena yati, “Endi, uzye nawe kwene wewe uwamu Galile? Ulonde mu malembelo ndi umazana pano calembwa vino ku Galile kulafuma kasema.” [Umu mpapulo izyalemvilwe ku katalili kumwi ni mpapulo zyuze izya umboni zino tungasintililamo mutaya Yoane 7:53-8:11.]

Luka 7:34

Mwana wa Muntu wiza, akalya nu kumwa, namwe mukuti, ‘Lolini umuntu wii! Wene wapunuka nupya umukolesi. Wene acuza wakwe yakasonkesya na yakaifya.’

Mateo 11:19

Mwana wa Muntu wiza, akalya nu kumwa, namwe mukuti, ‘Lolini umuntu wii! Wene wapunuka nupya umukolesi. Wene acuza wakwe yakasonkesya na yakaifya.’ Lelo antu yalalola ukuti amano yakwe Leza alungame ndi yalola milimo yakweyo.”

Mateo 13:55

Uzye wii asi mwana wakwe kawaza wa mbao? Uzye nyina asi Maliya? Uzye aina yakwe yasi a Yakobo na Yose na Simoni na Yuda?

Mateo 8:20

Yesu amunena ati, “Yankusa yakwata ininga umwa kulala, ni vyunyi vyakwata ivinsanzo, lelo Mwana wa Muntu atakwata pa kusamila mutwe wakwe.”

Mateo 12:8

Pano Mwana wa Muntu wakwata maka akupingula vya kucita pa Sabata.”

Mateo 13:22

Imbezu izyaponile mu myunga, ayao akauvwa mazwi yakwe Leza. Lelo masakamiko ya wikazi uwamu nsi ii, kusombwa nu ukama, vikaingila nu kutotola mazwi, alino yasyaseeka vizao.

Mateo 13:39

Mwanisi wino watile kalolo akwimilila Ciwa. Uzombozi ukwimilila wanda wampelelekezyo ya nsi. Yakasinza nayo yakwimilila angeli.

Mateo 13:40

Caleka vino antu yakaipa yakolonganika kalolo nu kumoca mu moto, mu musango uli onga kwene avino cilaya pa wanda wampelelekezyo ya nsi ino.

Mako 3:28

“Cumi namunena vino maifyo ya antu na mazwi yao a misuli kuli Leza yonsi yangelelwa.

Luka 16:8

“Lyene mwene alumbanya kangalila uwali incenjezi pamulandu wakucenjela kwakwe, pano antu alondela vyamu nsi ii, amisango ili yonga, yacenjela kuluta antu yano yakapita mu luswepo lwakwe Leza.”

Luka 18:30

aatangapokelela maila avule kuluta mu mukulo uu, nga nu umi wapee mu mukulo uuliza.”

1 Timoti 4:8

Ukuyelezya mwili kukaazwilizya panono, lelo kuyelezya kucindika Leza kukaleta umuzano muli vyonsi. Pano kukatwazwa mu vya umi uu, na vino tungaya mu umi ukwiza.

1 Timoti 6:17

Uwanena akama mu vintu vyamu nsi kuti yataitumika, nupya yatapaalila mu vyuma vino vitakwata uyo, suka muli Leza. Wene kwaula lusoko akatupeela vintu vyonsi ivyakutuzanzya.

2 Timoti 4:10

Demasi wene watemwa ivyamu nsi nupya wamfutatila, waya ku Tesalonika. Klesensi wene wapita ku Galatiya, Tito nawe ku Dalamatiya.

Yakobo 1:27

Upefi uno Leza Tata akalola ukuti uwa mpomvu aewu: ukwazwa ana asyale na yamukamfwilwa mu macuzi yao nga nu kuisunga ku ukakasi uwaya mu nsi.