Mateo 12:30 - Amazwi Yakwe Leza 2013

³⁰ “Wino wensi aakumpazya ala asi nani. Na wino wensi asingazwa kukolonganika ala akusalanganya.

Mateo 12:30 Referans Kwoze

Mako 9:40

Pano wino wensi asikutulwisya ala ali naswe.

Luka 11:23

“Wino aakumpazya ala asi nani, na wensi wino asingazwa kukolonganika ala akusalanganya.

Luka 9:50

Lelo Yesu ayanena ati, “Mutamulesya. Pano wino wensi asikumulwisya ala ali namwe.”

Mateo 6:24

“Pasi umuntu angaombela aene yaili; pano angapata wenga nu kutemwa umuze, nupya angayela wenga nu kusula umuze. Mutangaombela Leza nga ni vyuma.

Yoswa 24:15

Lelo ndi mutakasi ukutumikila Yawe, lyene sololini ilelo kwene wino mumatumikilanga, nga cakuti a tuleza tuno ivikolwe vinu vyatumikilanga ku mbalama ya Luzi lwa Yodani, nanti tuleza twa ina Amoli, yano pali ndakai mukwikala mu mpanga yao. Lelo nemo na amu ng'anda yane, tumatumikilanga Yawe.”

1 Yoane 2:19

Cumi kwene antu yaa yatali mu utandano naswe. Uli mulandu uno yatusile. Ndi yali mu utandano naswe yene yange yaye pamwi naswe. Lelo yene yatusile pakuti cimanyike ukuti munoyali pasi nanti wenga wino mu cumi ali mu utandano naswe.

Yoswa 5:13

Lyene lino Yoswa wali pipi nu ku Yeliko, asanzula amanso nga alola umuntu aimi ku nkolelo yakwe ala alemile ulupanga lwakwe mu minwe. Yoswa amulungama nga amuuzya ati, “We, uzye uli ku lusansa lwitu nanti uli ku lusansa lwa anisi itu?”

Utandiko 49:10

Intuwa ya wene ilikala mu makasa yakwe Yuda amanda pe, nga na amu mupanda wakwe yalateeka amanda pe. Inko zilaleta vya mawila kunoli. Nga yalamuvwila nu kumufukamila.

Yoane 11:52

Asi pamulandu wakufwila sile Ayuda, lelo kuti akonganike na antu yakwe Leza yonsi yano asalangana konsi.

Oseya 1:11

Antu aku Yuda na aku Izlaeli yalayakundanya pamwi cipya cipya, nga nayo yalaisolela intunguluzi yonga. Alino yalatukuta nu kukula mu mpanga yao. Endi uwanda wakwe Yezileele ulaya uwanda ukulu cuze!

Mapinda 11:24

Umwi angatwalilila ukupeela ivintu vyakwe luse luse uku yauze, lyene ala akalukulunduluka umu ukankala wakwe. Lelo umwi nawe ndi wati atale aezye, ala wama sile upina utupu.

Mateo 12:29

“Kusi umuntu umwi angazanza ing'anda ya muntu wa maka nu kusenda vino wakwata suka inkolelo wanyepa umuntu wa maka, alino lyene angazanza ing'anda yakwe.

Masamu 94:16

Aweni angimilila nu kumvwangila uku aipe?