Mateo 12:20 - Amazwi Yakwe Leza 2013

²⁰ Atalavuna itete lifwampe, atalazimya nyali ikuzimantukila kufika lino alalenga kuti wololoke wakwe Leza ucimvye.

Mateo 12:20 Referans Kwoze

Ezekelo 34:16

“Nemo ndapita nkulonda iponge, ndawezya ni ipumbuke, yacilonda nayo ndainyepela icilonda nga nu kupozya ino yalwala. Lelo iine, nupya ikome, yene ndaisunga. Ndazicema nu mulungikila.

Luka 4:18

“Mupasi wa Mwene uli panondi, pano watampela maka kuti nkosole Ilandwe Lisuma ku apina. Wantuma ku kusapula anyepwe nu kuleka impafu kuti zyalola, nga nu kwiza kulula yano atitikiziwa,

Masamu 147:3

Aliwe alapozya imyenzo yakwe yayo aculisye, alayanyepela ni vilonda vyao.

Umbwilo 6:2

Lyene ndola imfwalasi itiswe. Wino uwakwezilepo walemile ulapwa, nupya yamupile ingala ya wene. Wene wapisile wakwe kacimvya kuti akacimvye.

2 Kolinto 2:7

Lelo nanti angala muntu wifya, mulinzile kumwelela nga nu kumukomelezya, kuti mutaleka auvwe ulanda nga nu kunenuka.

Ezaya 57:15

Pano nemo ne Leza Wapapelapela nemuno nikala umu ncende yamuzilo, nkaamwa ukuti Wamuzilo wilya, nkuti, “Nkaikala umu ncende yapapelapela yamuzilo. Lelo nkaikala na antu aicefya nupya afuke myenzo, kuti aicefya yayo njapupuzule imyenzo.

Masamu 51:17

Ali cino fwandi nemo impolelwa yane, ukulapila kwa mu mwenzo, usisula umwenzo uwakutontelela mu kuzenzuka.

2 Yamwene 18:21

Limwi watutaila aina Eguputo ukuti yalakwazwa. Owe! Nga awiyo wene icili cimwi kwene nu kuomvya itete kwati ali ntuwa, ilingavunika nu kupandukila mwi kufi lya muntu alilemile limutote! Vivyo avino swe ina Asilya tungakolanya Falao, umwene waku Eguputo, ku muntu wensi uwa mutaila.’ ”

Mateo 11:28

“Izini kunondi, mwensi mwe yatonte nupya anyomelwa, nani namamupeela upuzo.

Ezaya 40:11

Amasunganga imfwele zyakwe wakwe kacema. Amakolonganikanga utwana twa mfwele, nu kutupakatila apa minwe yakwe. Amatungululanga na yanyina mfwele ningo sana, nu kuyatwala ukwa kupuzila.

2 Kolinto 2:14

Tutaizye Leza pano muli Klistu akatutungulula nsita zyonsi uku ucimvyo. Leza akatuomvya kuti kumanya kwakwe Klistu kusalangane konsi wa mununko usuma.

Mateo 11:7

Lino alondezi yakwe Yoane yaswililangamo, atandika kunena maumba vya pali Yoane ati, “Uzye mwaile ku lwanga kukulola cani? Uzye mwaile kukulola umuntu muzakantike wa mafwa akupungaila nu muza? Awe!

Aina Levi 10:20

Lino Mose uvwa cii, cimuzipila.