Mateo 12:15 - Amazwi Yakwe Leza 2013

¹⁵ Lino Yesu uvwa vino yati yumana kapi, afuma ku cifulo cici, na antu aingi yamulondela. Alino apozya alwale yao onsi,

Mateo 12:15 Referans Kwoze

Mateo 10:23

Lelo lino antu amu musumba umwi yamucuzya, utukilini ku musumba uze uli pipi na kuko. Cumi namunena vino mutalamala kuomba milimo mu mizi yamu Izlaeli lino Mwana wa Muntu atali kuti aiize.

Yoane 11:54

Caleka Yesu atapitananga mu Yudeya paswe. Lelo wafumileko aya ku ncende imwi pipi nu lwanga, ku muzi wa Efulemu akuno aikala na alondezi yakwe.

Yoane 7:1

Pacisila ca vintu vii, Yesu wapitanga mu Galile, atakasi kupitana mu Yudeya pano Ayuda yalondanga kumukoma.

Mateo 19:2

Alino maumba akulu cuze yamulondela, nga nawe apozya alwale ali kweneko.

Mako 6:56

Lyene na konsi kuno Yesu wayanga, mu mizi, nu mu misumba, nu mu mpanga, antu yasendanga alwale nu kuyaleta mu musolo wa pi sokoni. Alino yamulenga kuti aleke alwale yaleme nanti kwi sempele lya cizwalo cakwe. Na yano yonsi alemileko yapoziwe.

1 Petulo 2:21

Leza uwamusolwile kuti mupite mu macuzi lino mukulondela mu ntampulo zyakwe Klistu. Wene wamupeela cilangililo ca kucula kwakwe pamulandu winu.

Galatiya 6:9

Acino mutatonta mu kwazwana. Pano ndi musikutonta, lyene muli nu kupelwa cilambu lino nsita ilafika.

Yoane 9:4

Lino ucili musanya, katule tuombe milimo yakwe wino uwantuma. Usiku ukwiza lino umuntu atangaomba.

Luka 6:12

Mu manda yalya Yesu waile ku mwamba ku kupepa. Alola uca, ala akupepa kuli Leza.

Luka 5:22

Lyene Yesu amanya vino yakwelenganya mu myenzo yao, alino ayauzya ati, “Uzye pacani mukwelenganya vii mu myenzo inu?

Luka 9:11

Lelo lino maumba yamanya cii, yamulondela. Nawe ayazengela, ayasambilizya pamulandu wa Wene wakwe Leza, nga apozya na yao alondanga kupoziwa.