Biblia Todo Logo
Bib sou entènèt

- Piblisite -




Mateo 11:28 - Amazwi Yakwe Leza 2013

28 “Izini kunondi, mwensi mwe yatonte nupya anyomelwa, nani namamupeela upuzo.

Gade chapit la Kopi




Mateo 11:28
36 Referans Kwoze  

Zwalini ikoli lyane, musambilile kunondi, pano nene wa mutembo, nupya nkaicefya mu mwenzo, nga mumazana upuzo mu myenzo inu.


Pa wanda wa kumalila kuzevya kwa cimulo nupya uli wanda ukulu, Yesu aimilila, asanzika izwi ati, “Wino wensi ali nu lusala alinzile kwiza kunondi kuti amwe manzi!


Onsi yano Tata wampeela yaliza kunondi, na wino wensi uwiza kunondi ntalamuzinga.


Untungwa auno tukweti pano Klistu watukulula. Lyene ndakai twikale antungwa nupya tutakaye azya ya Masunde.


Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.


Yawe wavwanga ku antu yakwe ati, “Imililini pa masansa ya museo, mucelecensye! Muzye inzila zyampiti nupya muzye ukuli inzila zisuma alino lyene mupite mwenemo. Lyene mulikala mu mutende.” Lelo mwemo mwakanyile imuti nu kuti, “Tutange tupite mwenemo, awe!”


Awe cumi lyene nisya umwenzo, pano umwene wancitile ivizipe.


Mwemo mwensi Leza waleka ukuti mwaipuzila mu longo lelo mwemo mwakana ukuvwa kunoli.


Pano yene yakanyepa visendo vinyomesye yatwika auze, vino yene yatange yalemeleleko nu kuyazwa.


Ulayo wakwe Leza wakuti tulingila mu kupuza ucilipo. Lekini tucenjele kuti kutaya nanti umwi wino alaposiwa kwingila mu kupuza kuno Leza watulaya.


Pano vyonsi vii, anene navicisile ni minwe yane! Vyonsi vivyo ivyakwane, lelo nemo nkaikisya amano yane ku muntu muicefye, nu wazenzuka mu mwenzo, wiyo akaoopa izina lyane, akantumikila, ali wino nemo nasumbako amano. Ivyalanda Yawe.


Uyi wane wati unduta, wati untuwizya mwi ziya lya maifyo yane. Vyati vintotomezya pansi pamulandu wakunyoma kwaviko.


Lelo wene alapeela upemwilo kunomuli mwe muno mukucula nga naswe kwene. Wene alacita cii lilyo lino Mwene Yesu alaloleka kufuma mwiyulu pamwi na angeli yakwe a maka,


Mu wanda ulya uwene nupya ukufuma ku cisinte cakwe Yese, ulimilila nu kuya wa cimanyililo uku mitundu. Imitundu ilakusika nu kwiza kolongana kuno ali, ni cifulo cakwe cilacindama.


Ukamupeela upemwilo umu nsita ya ucuzi, ukufika na lino yalimbila umuntu mwipe ilindi.


Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.


Ivintu vyonsi vikatendusya, kutendusya kwacipezya amano. Amanso itu yakalola lelo yasyalola kuti cifuule, amatwi itu yakauvwa, lelo yasiiuvwa kuti cifuule.


Silolini umuntu wino wikala wenga. Wene atakwata umwana nanti umwina, lelo wene akaomba pe, nga atiikuta ni cuma cino walonka. Uzye aweni wino umuntu wi akakaililwa nu kuikanya ukusansamuka? Camusango uu naco kwene icasilesile, nupya icaulanda mu wikazi wa muntu.


Caleka, uzye pacani mukwezya Leza pa kutwika cisendo pa nsizi zya ina Klistu Akulukuwa, cino vikolwe vitu nanti sweswe twaposiwa kusenda?


Lelo umuntu ndi wavyalwa akazana ucuzi, wakwe vino ivyunyi vikaulolelwa ukupapuka.


Umusanya nu usiku wemo wankalipilanga, nu ku mwenzo wane ikusuka ikuma wa nsawa zya cisanya.


Nemo pano nalola ivintu ivyacitwa mu nsi ii, nga nkumunena ukuti ala cii icasilesile. Cili wakuzinganya umuza.


Mwatipwa sile mwe mutundu wa maifyo mwe! Ala mwemwe antu yononeke uku uyi, mwe antu yaipe mwe! Uyi winu wamukowezya. Mwemo mwasisya na mano inu kuli Yawe, Wamuzilo wakwe Izlaeli mwamufutatila.


“Umuntu wensi uwala wavyalwa ku mwanaci, umi wakwe pano nsi utaya utantalile. Lelo umi kwene uo, wavulisya amalanda.


Pano ndimula umwenzo utovoke, ndikusya nu mwenzo onsi uno ukucula.


Muli vyonsi namulanga ukuti apa kuombesya na maka mu musango uu tungazwa atonte, ukwiusya mazwi ya Mwene Yesu yano wavwanzile umwisikulu ati, ‘Mukupeela mwaya upolelelo ukulu cuze kuluta mukupokelela!’”


Mulole lyene vino ana yakwe Yonadabu umwana wakwe Lekabu, yene yawaka ilamulo lino icikolwe cao cayapile. Lelo mwemo mwakanililila sile syonko ukunjela.”


Swiv nou:

Piblisite


Piblisite