Mateo 11:21 - Amazwi Yakwe Leza 2013

²¹ “Kalanda ku antu amu Kolazini! Kalanda ku antu amu Betisaida! Ndi cakuti vinjelengwe ivyacisilwe munomuli vyacisilwe nu ku Tuli na Sidoni, antu ya kuku yange yazwale masaaka nu kuiswela itwi kuti yalange vino yati yazenzuka.

Mateo 11:21 Referans Kwoze

Milimo 12:20

Helodi wasokile antu amu Tuli na Sidoni. Caleka antu yaya yapita iumba kuya mulola. Inkolelo yatala yatandana icuza na Blasito, uwali umwangalizi mwi sano. Lyene yaile kuli Helodi nu kumuuzya ukuti paye mutende, pano impanga yao yafumyanga ivyakulya ku mpanga yakwe.

Yoane 12:21

Yaile kuli Filipo (wino uwali uwaku Betisaida ku Galile,) yamunena yati, “Mukwai tukulonda kuti tulole Yesu.”

Luka 9:10

Lino atumwa yawela yalandila Yesu vyonsi vino yaomvile. Lyene yapaatuka, ayasenda, yapita nawe ku musumba wa Betisaida.

Mako 6:45

Lilyo kwene Yesu anena alondezi yakwe kuti yapatame mu wato yamukolelele kuya ku muzi wa Betisaida, uwali ku mbalama yuze yakwe yemba. Lelo wene asyala akunena antu kuti yapite kumwao.

Mateo 15:21

Lyene Yesu afuma ku cifulo cici aya ku mpanga ya mupipi ni misumba ya Tuli na Sidoni.

Yobo 42:6

Ali cino fwandi nawezya umuvwango wane onsi. Naiswela ulukungu ni itwi, apakulanga ndi vino lyene nazenzuka.”

Yuda 1:11

Kalanda kunoyali! Pano yene yalondela musango wakwe Kaini. Mulandu wakutemwisya impiya, yene yaisumba aisikulu mu usomvi wakwe Balamu. Yene yakatukila Leza ndi vino Kola wacisile. Acino yalononwa.

Yoane 1:44

Filipo wali uwaku Betisaida, kuno Andeleya na Petulo ikalanga.

Luka 6:17

Yesu pamwi na atumwa yatentemuka umwamba, iimilila apatambalale. Lyene iumba likulu cuze lya alondezi ni umba lya antu afumile ku Yudeya nu ku Yelusalemu nu ku misumba yamu nkumba yakwe Tuli na Sidoni,

Mako 8:22

Lyene lino iiza ku Betisaida, antu yamwi yaleta umuntu impafu kuli Yesu yamulenga kuti amulemelele.

Mako 7:31

Yesu afuma ku mpanga yapalamana na Tuli nu kuya pita mu Sidoni ala akuya kuli yemba wa Galile, kulepula mpanga pakasi ka misumba ikumi.

Mako 3:8

Lyene antu aingi afumile ku Yudeya, nu ku Yelusalemu, nu ku Idumeya, nu ku mbalama yuze yakwe Yodani, nu ku ncende yakwe Tuli na Sidoni, lino yuvwile vintu vino wacitanga, iiza kunoli.

Mateo 18:7

Kalanda ku antu mu nsi pamulandu wa vintu vino vikalenga antu ukwifya. Pano ukwifya kumayangako lyonsi, lelo kalanda ku muntu wino akulenga kuti antu yaifya.

Mateo 11:22

Lelo namunena nati, pa wanda wa upinguzi, mwemo mulavunukwa kuluta antu amu Tuli na Sidoni.

Milimo 27:3

Pa wanda uwalondelela tufika mu Sidoni. Juliasi wali nu luse pali Paulo, amuta kuti aye akalole yacuza yakwe, pakuti yamupele vino akulonda.

Luka 4:26

Lelo Eliya atatumilwe kuli umwi mu Izlaeli, suka sile kuli mukamfwilwa uwatenzi mu Zalefati mu mpanga ya Sidoni.

Mako 7:24

Lyene Yesu afuma ku cifulo cici aya ku mpanga iyaya pipi nu musumba wa Tuli. Aingila mu ng'anda, nupya atalondanga kuti umwi amanye vino wene ali kuku, lelo antu yene yacimanyile.

Mateo 26:24

Mwana wa Muntu alafwa wakwe vino calembwa pali aliwe, lelo kalanda ku muntu wino amakoopa Mwana wa Muntu! Cange cizipe umuntu wiyo ndi atavilwe.”

Yelemiya 13:27

Wene wailolela kuno mukucita ivintu vino wapata. Umu myamba nu mu vyalo ali muno mukalondelela utuluwi, tuleza twa inamasi, ndi vino umonsi akacita wino akukumbwa umuci wa muze, ndi vino mfwalasi yakalume ikacita apakukokomela iya kaci. Kalanda kuno muli mwe ina Yelusalemu! Uzye alilaci lino mulakondolwa?

Yowelo 3:4

“Uzye mwemo mwe ina Tuli na ina Sidoni na mwensi mwe ikazi aku mpanga ya Filistia, mukupanga ukuncita cani? Uzye mukucita icilanduzi apa cintu cimwi cino nacita? Ndi cakuti mukulandula, ale lyene nani ntalalengela ukumuswilizizya ivicitwa vinu vyonsi apa mitwe inu zuwazuwa.

Amosi 1:9

Yawe wavwanga wati, “Pamulandu wakuti aikazi aku Tuli yacili yakutwalilila ukwifya, nemo ntalata ukuyavunuka. Yene yatozile uluko lonsi pyu lwa antu asyalapo, nu kulusenda yalutwala umu uzya ku Edomu, ukwaula kusunga icipangano ca wina cici.

Umbwilo 6:12

Nupya ndola Mwana wa mfwele akulematula cimanyililo calenga mutanda. Alino kuya cilundumusi ca maka cuze, nga ni lanzi lifita fititi wa nsalu yakwe kafifi. Nu mwezi uyenza cee wa wazi.

Umbwilo 11:3

Nani ndatuma yakambone yane yaili ale yazwite masaaka, yene yalakosola ilandwe lyakwe Leza mu manda kulingana ni zimbi lyonga, myanda iili na makumi mutanda (1260).”