Mateo 10:32 - Amazwi Yakwe Leza 2013

³² “Cumi, namunena nati, wino wensi walanda paswe ukuti uwakwane, nani ndamucitila cili conga pa manso yakwe Tata uwa mwiyulu.

Mateo 10:32 Referans Kwoze

Umbwilo 3:5

Wiyo alacimvya alazwikwa vizwalo vitiswe wakwe yakwene nga nani ntalafuta zina lyakwe mu lupapulo lwa antu aumi. Pa manso yakwe Tata na angeli yakwe ndalanda paswe ukuti uwakwane.

1 Yoane 4:15

Muntu ali wensi ndi walanda paswe ukuti Yesu ali Mwana wakwe Leza, Leza akaikala munoli nga nawe muli Leza.

2 Timoti 1:8

Acino lyene utuvwa insonyi izya kupeela umboni pamulandu wa Mwene witu. Nupya utuvwa insonyi pamulandu wane, ne munyepwe pamulandu wakwe Klistu. Lelo wakumako ku kuculila Ilandwe Lisuma, lino Leza akukupeela maka akucita cii.

Umbwilo 2:13

Namanya kuno ukaikala akuno Ciwa wika cilimba cakwe ca wene. Mwemo mwaya akutailwa kunondi, nupya mutatala mwata kutaila nu mu nsita kwene ino Antipa kambone wane uwakutailwa wakomilwe kumwinu kuko kuno Ciwa akaikala.

1 Samueli 2:30

Nene kwene ne Yawe, Leza wa ina Izlaeli nalavile ku mpiti ukuti ang'anda yako na aluko lwako yalizile kuntumikila wakwe yasimapepo amanda pe. Lelo ndakai inkuti citangaya vivyo! Indi nu kucindamika yao akancindika. Nu kusuula yao akansuula.

Yoane 9:22

Akwasi yakwe yavwanzile cii pano yoofile intunguluzi zya Ciyuda pano ala zyazumilizyanya ukuti, wensi amataila vino Yesu ali Katuula, wene amazingwa mu ng'anda ya mapepo.

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Masamu 119:46

Indataka amasunde yako kuli yamwene, ni nsonyi ntaluvwa foo.

Luka 15:10

Namunena vino mu musango uli onga, angeli yakwe Leza yakazanga pali kaifya wenga uwazenzuka.”