Mateo 10:28 - Amazwi Yakwe Leza 2013

²⁸ Mutaoopa yano akakoma umwili, lelo yatangakoma mupasi. Lelo mwaoopa Leza, wino ali na maka akonona umwili nga nu mupasi kwene mu Gehena.

Mateo 10:28 Referans Kwoze

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.

Yakobo 4:12

Leza aliwe wenga sile ali kapela wa Masunde nupya kapingula. Aliwe wenga sile angatutuula nanti kutonona. Uzye nsambu cii ino mukweti iyakupingula umuntu muzo?

Yelemiya 5:22

Nene indi Yawe. Uzye lyene pacani cino musioopa nene? Uzye pacani cino musizakaza pa manso yane? Nemo nisile umusensenga uwamu nkumba yakwe yemba kuya ali nande kuli yemba, nande wakuyelelela wino mutalatala muciluke. Amayimbi yakwe yemba yangakatuka, lelo suka yaposiwe. Nanti yangapooma uli, lelo yatange yaciluke, awe.

Ezaya 51:12

Yawe nupya wavwanga wati, “Kapela wa maka kuno muli anene. Nga fwandi nupya ungaoopa uli umuntu umwina kufwa, wino waviilwe uku muntu? Wiyo alafoota sile nu kuuma wi sote?

Kasambilizya 5:7

Nanti ulote viloto vya musango cii, nanti uombe incito zya musango cii, wemo ulinzile ukoopa Leza.

1 Petulo 3:14

Lelo muli nu longo nanti mungacula pamulandu wakucita visuma! Mutoopa umuntu umwi, nupya mutasakamikwa.

Ezaya 66:2

Pano vyonsi vii, anene navicisile ni minwe yane! Vyonsi vivyo ivyakwane, lelo nemo nkaikisya amano yane ku muntu muicefye, nu wazenzuka mu mwenzo, wiyo akaoopa izina lyane, akantumikila, ali wino nemo nasumbako amano. Ivyalanda Yawe.

Masamu 119:120

Umwili wane ukuzakaza pamulandu wa koopa wewe, nemo indi ni ntete zya upinguzi wako.

Mateo 25:46

Lyene antu yaa yalavunukwa manda pee, lelo antu akacita ivyawololoke yalaya nu umi wape.”

Ezaya 51:7

“Uvwini kunondi mwe muno mwamanya ulungami, mwemuno mukawaka Isunde lyane umu myenzo inu. Mutezya mwaoopa umusaalula wa antu, mutasakamala nu ku ntusi zyao.

Ayebulai 10:31

Kufumbatwa mu makasa yakwe Leza wa umi cintu cimwi ca koofya cuze.

Mateo 10:26

“Caleka mutaoopa antu. Kusi cimwi icafisama icitalasokololwa paswe, nanti cimwi cino icafiswa icitalaumbulwa.

Ayebulai 11:35

Pakuya nu utailo anaci yamwi yapokelile akazi kao yano azyukwike kufuma ku afwe. Yauze nao yayacuzizye cuze suka yafwa, kwaula kuzumila kuti yasapulwe yaye antungwa. Yene yacisile cii kuti lino yalazyukuka yace yaye nu umi usuma.

Milimo 21:13

Lelo Paulo avwanga ati, “Mukucita cani, ukulila nu kuntezula mwenzo? Ala kusi kunyepwa kutupu kuno naipela, lelo nu kufwa kwene mu Yelusalemu pamulandu wi zina lya Mwene Yesu.”

Mateo 5:22

Lelo nemo namunena nati wino wensi amasokela mwina wakwe alinzile atwalwe ku cilye. Na wino wensi amanena mwina wakwe ati, ‘Watumpa!’ Wene alinzile atwalwe kwi Tengo. Na wino wensi amavwanga ati, ‘Ciwelewele we,’ alaya mu uzanzo wakuya mu moto uwamu Gehena.

Yoane 5:29

Yano acitanga visuma yalazyukuka yaye nu umi. Na yano acitanga viipe yalazyukuka nu kuvunukwa.

Yobo 37:24

Fwandi antu yafwile ukumoopa. Na antu yamano yonsi yamucindikisye.”

2 Yamwene 17:39

Muce mwauvwila nene ne Yawe Leza winu, nani ndamutuula lyonsi uku anisi inu.”