Mateo 10:20 - Amazwi Yakwe Leza 2013

²⁰ Pano mazwi yano mulavwanga yatalaya mazwi inu, lelo yalafuma kuli Mupasi Wamuzilo.

Mateo 10:20 Referans Kwoze

Milimo 6:10

Lelo yaposiwe kumutonsya pano Mupasi Wamuzilo wamupile amano yakuvwangilamo.

Luka 21:15

pano ndamupeela mazwi nga na mano kuti patakaye nanti wenga uwamu anisi inu alakana nanti kupilika vino mulavwanga.

Luka 12:12

Pano Mupasi Wamuzilo alamumanyisya pa nsita ilya pali vino muli nu kuvwanga.”

2 Samueli 23:2

Umupasi wakwe Yawe wavwangila munondi, nu lulimi lwane ilulanda amazwi yakwe.

2 Petulo 1:21

Pano kutaya ilandwe lya usemo ilyafuma ku kulonda kwa muntu. Lelo antu yatungulwilwe na Mupasi Wamuzilo lino yavwanganga ilandwe ilyafumile kuli Leza.

Milimo 4:8

Petulo azuziwa na Mupasi Wamuzilo, nga aasuka ati, “Mwe ntunguluzi na mwe ikolo,

Milimo 2:4

Alino yonsi yazuziwa na Mupasi Wamuzilo nga cila muntu atandika kuvwanga mu lulimi lwa cilendo kulingana na vino Mupasi wamupeela maka yakuvwanga.

2 Kolinto 13:3

Cii cilinzile kuya cisininkizyo kuno muli ukuti Klistu akuvwangila munondi. Lino Klistu akumusunda wene atangaya nu utonte, lelo waya na maka cuze.

1 Petulo 1:12

Leza wasokolwile kuli yakasema yaa ukuti mulimo uno yene yaombanga utali wakuyazwa aisikulu. Lelo wakwazwa mwemwe. Yene yakosozile vintu vii kunomuli mu maka yakwe Mupasi Wamuzilo, wino Leza watumile kufuma kwiyulu. Angeli nao kwene yakalondesya kumanya vintu vii.

Milimo 28:25

Caleka yapita, ukwaula kuti yazumilizyanye aisikulu, pacisila lino Paulo wavwanga mazwi yaa ati, “Endi! Mupasi Wamuzilo wavwanzile ningo ukupitila muli kasema Ezaya ku vikolwe vinu!

Milimo 13:9

Lyene Saulo, zina lyuze a Paulo, azuziwa na Mupasi Wamuzilo, alolekesya pa muntu wa malele amunena ati,

Luka 11:13

Mwe yaipe mwamanya kupeela vintu visuma ku yana yinu. Uzye So uwa mwiyulu atalalusya kupeela Mupasi Wamuzilo kuli yao akamulenga?”

Mako 12:36

Mupasi Wamuzilo walenzile kuti Davidi avwange ati, ‘Mwene wanenyile Mwene wane ati, Ikala kwi kasa lilunji lyane kufika lino ndakucimvizya anisi yako.’

Mateo 6:32

Suka sile antu atataila Leza alio yakasakamala pa vintu vii vyonsi. So uwa mwiyulu wene wamanya vino mukalonda vintu vii vyonsi.

Kufuma 4:12

Acino ndakai pitanga! Ndalenga kuti uvwange nupya ndakunena ivyakuvwanga.”

1 Tesalonika 2:13

Nupya kuli mulandu nauze uno swemo tukataizya Leza lyonsi. Lino twamuletile mazwi yakwe Leza, mwemo mwayuvwile nu kuyapokelela, asi wa mazwi ya muntu lelo wa mazwi yakwe Leza, nu mucumi akwakwe. Ndakai Leza akuomba muno muli mwe muno mwataila.