Mateo 1:5 - Amazwi Yakwe Leza 2013

⁵ Salimoni wali a isi wakwe Boazi wino wavilwe muli Laabu, Boazi wali a isi wakwe Obedi wino wavilwe muli Luti, Obedi wali a isi wakwe Yese,

Mateo 1:5 Referans Kwoze

Ayebulai 11:31

Utailo uwalenzile kuti Laabu cizelele atakomwa pamwi na yao atayelanga Leza, pano wene wazengile ningo inengu zya ina Izlaeli.

Yakobo 2:25

Vivyo kwene avino cali na kuli Laabu cizelele. Wene wacisilwe kuya mololoke pa manso yakwe Leza kupitila mu milimo yakwe apa kuzengela nengu zya ina Izlaeli nu kuyazwa kongoloka, yapita ku museo uze.

Luti 1:22

Fwandi avino Naomi wawelulwike kumwao ukufuma ku mpanga ya Moabu. Wene wali na Luti, nyinavyala umwina Moabu. Yafisile ku Betelemu pa nsita ya kutandika ukuzombola baale.

Luti 1:4

Ana yalya yatwite akazyana aina Moabu, yano amazina yao a Olipa na Luti. Pacisila ca kwikala kuku manye imyaka ikumi lyonga,

Luti 4:21

Salimoni wali a isi wakwe Boazi, Boazi wali a isi wakwe Obedi,

Luka 3:32

mwana wakwe Yese, mwana wakwe Obedi, mwana wakwe Boazi, mwana wakwe Salimoni, mwana wakwe Nasoni,

Mateo 1:4

Lamu wali a isi wakwe Aminadabu, Aminadabu wali a isi wakwe Nasoni, Nasoni wali a isi wakwe Salimoni,

Mateo 1:6

Yese wali a isi wa Mwene Davidi. Davidi wali a isi wakwe Solomoni wino wavilwe muli wino uwali muci wakwe Uliya,