Masamu 92:5 - Amazwi Yakwe Leza 2013

⁵ Yemwe! Ivintu nu ukulu vino wemo ukacita, we Yawe! Ukwelenganya kwako kwazika wakwe cimwi!

Masamu 92:5 Referans Kwoze

Masamu 40:5

We Yawe, Leza wane, ala vino watucitila ivyakuzunguka ivivule, Vino wemo watuteyanyizizya pasi pa wingi. Icacumi pasi nanta wenga uwaya wakwe wewe! Nga cakuti nati nkandande vyonsi pano vyapela, awe cumi ntange nkume mwenemo, pano vyavula wakwe cimwi.

Masamu 139:17

Leza, ala imyelenganyizizye yako, yatala ukuvwa nupya asi yakupenda foo.

1 Kolinto 2:10

Lelo Leza wasokolola nkama yakwe kunotuli kupitila muli Mupasi Wamuzilo. Mupasi Wamuzilo wamanya vyonsi, vizike vya mapange yakwe Leza.

Masamu 111:2

Iye mwe, ivicitwa vyakwe Yawe nu ukulu! Yonsi yano vikazanzya yakalonda lyonsi ukuviiluka.

Umbwilo 15:3

nupya ala yakwimba lwimbo lwakwe Mose, muomvi wakwe, nga nu lwimbo lwa Mwana wa Mfwele, yati, “We Mwene Leza wa maka yonsi, milimo yako iikulu, nupya iyakuzunguka! We kateeka wa nko zyonsi, miyele yako iya ololoke nupya iya cumi!

Ezaya 28:29

Amano akuombela vivyo vyonsi wafumya kuli Yawe Wamaka yonsi. Vino Leza wateyanya ivyamano yatupu nupya vikaomba ningo insita zyonsi!

Masamu 104:24

We Yawe, wapanga ivintu ivivule! Iye mwe vino wacita na mano! Insi yazula tupu, uku viumbwa vyako ivitupu!

Masamu 66:3

Vwangini muti, “Vino we Leza ukacita ivyakuzunguka! Amaka yako akulu wakwe cimwi. Anisi yako yakatunkana kunuli.

Yelemiya 23:20

Icipyu ca Mwene citalatala cizuke, suka sile ace atale afikilizye vino wapanzile ukucita umu mwenzo wakwe. Cico mulacuvwa ningo umu manda yano yaliza uku nkolelo.”

Kasambilizya 7:24

Uzye umuntu angamanya uli usenulo wa umi? Icintu cii icizike, nupya swemo tutangacuvwa. Icikome, icitale swe antu tutange tucuvwe.

Masamu 36:6

Ulungami wako waya uzyantile wa myamba itali yakwe Leza. Imipingwile yako, nayo yaya wa kuzika kwakwe yemba. We Yawe, awewe ukawaka antu ni nyama kwene.

Masamu 64:6

Lino yakupanga ukucita iviipe, yene yakati, “Eya mwandi, paa apapela ukupangana!” Ee kwene umucumi, amano ya muntu, yaya acimpelezya!