Masamu 81:12 - Amazwi Yakwe Leza 2013

¹² Caleka nani njata vivyo kwene yasyala aumalale imyenzo, pakuti yaicitila vino aisikulu yakulonda.

Masamu 81:12 Referans Kwoze

Yelemiya 7:24

Lelo yakanyile ukunguvwa nanti ukuteya amatwi. Yalondelelanga ulunkumbwa lwamu myenzo yao iipe. Yene yamfutatile yakana nu kumfutatukila.

Loma 1:24

Acino Leza wayafutatila kuti yangacita vya nkota vya lunkumbwa lwa myenzo yao, yasuke yacitilana ni vya nsonyi vya kusausya miili yao.

Ezaya 30:1

Yawe walanda wati, “Antu yano yakateeka impanga yakwe Yuda, yalacilola pamulandu wakutalamila ne Leza wao. Yene yakacita vino nemo ntateinye. Nupya yakapangana ni mpanga zyuze, ivipangano vino nemo nsyalonda. Fwandi lyene ali pakucililako ukwifya.

Milimo 7:42

Lelo Leza nawe afwitoka ayafutatila, aleka kuti yatumikila intanda zya mwiyulu, wakwe vino icalembwa mu lupapulo lwakwe yakasema cikati, ‘Mwe ina Izlaeli! Asi kuli nene kuno mwaletanga impolelwa zya nyama zino mwakomanga mu lwanga, pa myaka makumi yani.

Milimo 14:16

Ku mpiti walesile antu kucita vyonsi vino yakulonda.

Yobo 8:4

Ana yako yacisile ivitalungime kuli Leza. Fwandi Leza nawe ali pakuyasunda ukulingana nu kwifya kwao.

Utandiko 6:3

Alino Yawe avwanga ati, “Ntalazumilizya umuntu ukwikalilila umuyayaya pano wene umwinakufwa. Ukufuma ndakai umuntu asyaikala ukuluta pa myaka umwanda onga na makumi yaili.”

Kufuma 11:9

Lyene Yawe anena Mose ati, “Falao amatwalilila kukana uvwa amazwi yako, pakuti ningacita vizungusyo navyuze mu mpanga ya Eguputo.”

Aina Levi 26:14

Yawe avwanga ati, “Ndi mutakuyela malamulo yane, ndalenga kuti muvunukwe.

1 Samueli 8:19

Lelo antu iyakana ukutezya vino Samueli walandanga. Yene yavwanga iyati, “Awe! Swemo tukulonda umwene uwakututeeka.

2 Yamwene 18:12

Nupya umulandu wakuti yatuvwilanga Yawe Leza wao nu konona umu kucita vivyo, yene yononyile isunde lyakwe, wakwe muno Mose umuomvi wakwe Yawe wayapile ilamulo. Fwandi tungati yatamuvwile nupya yatakonsile iceo cakwe nanti conga.

Neemiya 9:16

Nga lelo ivikolwe vitu vyacisile icilumba, vyumalala imyenzo nu kusuula amasunde yako.

Ezaya 30:9

Apamulandu wakuti antu cila nsita yakatalamila Leza, yakapepa ufi nu kukana uvwa kuli vino Mwene akuyasunda.

Ezaya 42:24

Uzye aweni uwapile Yakobo umu makasa ya vipondo? Uzye aweni uwapile aina Izlaeli mu makasa ya ivi? Uzye asi Yawe uwacisile vivyo, wiyo wino twifizyeko? Twakanyile ukulondela inzila zyakwe, nu kusunga amasunde yakwe.

Yelemiya 42:21

Fwandi ali cino nimunena mu wanda wilelo. Lelo mwemo mwatimukana ukuvwa amazwi yakwe Yawe Leza winu. Mutazumile umulandu nanti onga uno ntumilwe ukwiza munena.

Ezekelo 20:8

Lelo yene yamfutatila, yakana nu kunguvwa. Yakana kusumba tuluwi twao utwipisye, yakana nu kufumya amano yao ku tuluwi, tuleza twaufi twamu Eguputo. Nani ali pakuyafululula uyi uyi mumu kwene mu Eguputo.

Oseya 9:17

“Leza wane alakana antu kwene yayo pamulandu wakuti yakana ukumuyela. Yalalulumba sile pakasi ka nko zyuze.”