Masamu 78:37 - Amazwi Yakwe Leza 2013

³⁷ Yatamutontelanga foo, nanti ukusunga upangano uno yapangine nayo.

Masamu 78:37 Referans Kwoze

Milimo 8:21

Utakweti imbali nanti wankanyo mu mulimo witu, pano mwenzo wako usi wololoke pa manso yakwe Leza.

Masamu 78:8

Yataca yakaye ivyali ivikolwe vyao, ivyasangukilanga Leza nu kumutalamila. Vyene vyatailanga Leza, citaile taile, ukwaula ukwika amano uku kumutontelela.

Masamu 51:10

We Leza, mpeko umwenzo wa kuyela uwike munondi umwenzo upya uposye.

Oseya 10:2

Myenzo yao iyausomvi. Ndakai yalinzile kuvunukwa pamulandu wa maifyo yao. Yawe alawisya utuvuwa twao nu konona vipilala vyao vya kupepelapo.

Oseya 7:16

Yene yasiseleukila kuli Leza wapapelapela, lelo yakaya ku tuluwi. Yakoline wa ulapwa uononeke. Intunguluzi zyao zilakomwa ku lupanga, pamulandu wakuti yene yakalanda vyakunsausya. Acino aina Eguputo yalayaseka wakwe cimwi.”

Oseya 7:14

Yene yasipepa kunondi ukufuma mu myenzo, lelo yakaisumba apa misanzi yao nu kulila. Yakalila impoma wa inamasi apamulandu wa kulonda cakulya ni cakumwa, lelo yene yakamfutatila.

Masamu 119:80

Leka nayela amasunde yako, nupya ntaya ni nsonyi zyakucimviwa.

Malango 31:20

Lino ndaingizya mu mpanga ii ivunde nupya iyauzombozi cuze, impanga ino nalavile nu mulapo ukuipela ku vikolwe vyao, na lino yalalya nu kwikuta nu kwina, yalasenukila kuli tuleza tuze nu kutupepa. Nemo yalankana nu konona upangano wane.

1 Yamwene 19:10

Eliya nawe ali pakwasuka ati, “We Yawe, Leza Wamaka yonsi, nemo nkamutumikila amanda yonsi nupya awewe sile mpo wino nkatumikila. Aina Izlaeli yonona upangano uno mwapangine nayo. Yene yatamola utuvuwa twako nu kukomola yakasema yako yonsi. Anene mutupu nemuno nasyala penepo. Alino nani kwene yakundunga akanyama kisi, yakulonda uku nkoma.”

Yelemiya 31:32

Citalaya wa upangano uno napangine ni vikolwe vyao uwanda uno nayalemile pi kasa nu kuyafumya mu mpanga ya Eguputo. Yene yasuzile upangano wane. Ali cino nali nu kuyalanga ndi vino nene ndi ciinda wao. Ivyalanda Yawe.

Ezekelo 16:30

Yawe Simwandalali wati, “Kalanda we! Vino umwenzo wako watovoka, imicitile yako ikoline nu mwanaci cizelele umukamuke!