Masamu 78:15 - Amazwi Yakwe Leza 2013

¹⁵ Walepwile amawe umu lwanga, apakuyatonsya uku myenzo na manzi aingi ungati amwi tenga.

Masamu 78:15 Referans Kwoze

Masamu 105:41

Walepwile iciliwe na manzi yafuma mwenemo, yakonkolokela nu mu lwanga wa luzi.

Mpendwa 20:11

Alino Mose azunzula ikasa lyakwe, auma na pa ciliwe ni ntuwa amaila yaili. Awe amanzi iyatandika nu kufuma nyanya sile. Ni iuvi lyonsi ilimwa kumwi ni viteekwa vyao.

Kufuma 17:6

Ulanzana njimi pa ciliwe pa Mwamba wa Holebu. Ukuume intuwa pa ciliwe, alino amanzi yalafuma mu ciliwe kuti antu yamwe.” Mose acita wakwe vino Yawe wamunenyile, pa manso ya ntunguluzi zya ina Izlaeli.

1 Kolinto 10:4

nga nu kumwa cakumwa cili cimwi ca umupasi, cino yamwanga kufuma mu mulunda wa umupasi uno wapitanga nayo. Nu mulunda uo wali a Klistu umwisikulu.

Masamu 114:8

Wene wasangwile iciliwe ukuya wa cilambe ca manzi na mawe akome ndi ukuya tufukoka twa manzi.

Umbwilo 22:17

Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.

Umbwilo 22:1

5Lyene mungeli andanga luzi lwa manzi yano akapeela umi, luyengese wakwe Kulustele, luno lwafuma mu cilimba ca wene cakwe Leza nupya ca Mwana wa Mfwele.

Ezaya 48:21

Lino Yawe wapisyanga antu yakwe umu lwanga, umukaye see uku cipuki, nupya umuume ndi, antu yakwe yataculanga ku lusala awe. Wene walenzile ukuti amanzi yafukoka umu ciliwe. Yawe walepwile iciliwe na manzi yapongwela.

Ezaya 43:20

Ni nyama zya mpanga nazyo kwene zimantaizyanga. Yankusa yamancindikanga kumwi ni mbuni, apamulandu wakuti namaleta amanzi umu lwanga ni nguzi mu mpanga iyumalale, kuti mpeele amanzi ku antu yane asololwe.

Ezaya 41:18

Ndacita utufukoka umu myamba umutaya imiti ni sote. Ndaleka ukuti utufukoka tutuluke umu mikonko. Umu lwanga namo ndafukula ivifula vya manzi. Mu mpanga iyumalale namo ndapanga intulo ya manzi.