Masamu 64:9 - Amazwi Yakwe Leza 2013

⁹ Ali lino lyene nanti yonsi yalaoopa, yalalanda na pa vintu vino Leza wacita, nu kwelenganya apa micitile yakwe.

Masamu 64:9 Referans Kwoze

Yelemiya 51:10

Yawe lyene watalanga ulungami witu. Fwandi katwapita tukalande uku Zioni, ivicitwa vyakwe Yawe Leza witu.

Yelemiya 50:28

Imbutusi zino zikupuuka mu mpanga ya Babiloni nu kwiza mu Zioni, azizyo muzyuvwe kuno zikulanda vino Yawe wanenyile aina Babiloni, pali vino yacisile ku Ng'anda ikulu yakwe Leza.

Masamu 40:3

Ali pakunsambilizya ulwimbo lupya, ulwakulumbanya Leza witu. Antu avule apakulola cico, yalaya ni coopo, nga yataile muli Yawe.

Oseya 14:9

Wiyo wino akweti amano auvwikisye ivintu vii. Wiyo wino angiluka, amanyikisye. Pano inzila zyakwe Yawe izya ololoke, nupya mukapita yayo akacita vyaololoke, lelo yacisanguka yakapumeka mwenemo.

Ezaya 5:12

Musitala imusumba na mano ku kucita ivikalonda Yawe. Lelo mukasumba amano ku viila nu kulizya ivyakulizyalizya.

Masamu 58:11

Yakaifya yene yalati, “Ee kwene icacumi asuma yalambulwa, mu cumi, kwaya Leza wenga akapingwila insi.”

Umbwilo 11:13

Pa nsita kwene ilya kwali cilundumusi cikome cuze, nga ciputulwa conga mu viputulwa ikumi vya musumba ciwa conononeka, lyene na antu mazimbi cinimbali yafwile ku cilundumusi. Na antu yauze asile yuvwile intete cuze nu kulumbanya ukulu wakwe Leza wa mwiyulu.

Ezekelo 14:23

Lyene alino mulamanya ukuti apamulandu usuma acino nacitile vii vyonsi. Ivyalanda ne Yawe Simwandalali.”

Masamu 119:20

Umwenzo wane lyene ukukafila, pamulandu waciluka ca upinguzi wako.

Masamu 53:5

Ukuya kwene intete zino yatatala yalemwa zilayalema, pano Leza amasansanta amafupa ya anisi yao. Cimayaletela insonyi pakuzana ukuti Leza watayatazyela.

Masamu 59:13

Yonone uyi uyi, uyalovye pyu pyu pyu! Alino lyene antu yonsi yalamanya ndi vino wewe Leza akateeka Izlaeli, nu kuti fwandi uteko wako walimba insi yonsi!

Masamu 140:10

Leka amakala ya moto yayaponele, uyasumbile umu ciwina ca manda pe.