Masamu 59:10 - Amazwi Yakwe Leza 2013

¹⁰ We Leza wane, we muno wantemwisya, umaiza kunondi. Umaiza uleke kuti indole kuno anisi yane yakucimba.

Masamu 59:10 Referans Kwoze

1 Petulo 5:10

Lelo pacisila lino mwacula pa kasita kanono, Leza wa cikuku, wino wamwama muli Klistu kuti mukapokelele lulumbi lwape, umwisikulu alaleka muye afumaluke, nupya akomeleke wa mufula wa maka.

Masamu 54:7

Watumpususya uku macuzi yane, nupya nindola nakuno anisi yane yonsi yakucimba.

Masamu 59:17

Namakuwanzyanga wewe, we maka yane, awewe Leza wino nkazina kweneko, we Leza wemuno wantemwisya.

Masamu 21:3

Icumi cumi wamupolelile apakalamba wakwe cimwi. Nu kumuzwika uku mutwe icilongwe cakwe zaabu muswefiwe.

Masamu 92:11

Nemo natinjilolela kuno anisi yane yakucimba, natinjuvwila kuno intalanganyi zikuililila.

Masamu 54:5

Uyi wa anisi yane ungayaswililila, Umwene wa cisinka angayalovya.

2 Kolinto 1:3

Lekini tutaizye Leza nupya Isi wakwe Yesu Klistu Mwene witu. Wene a Tata wa luse, Leza ali ntulo ya kutekeziwa konsi!

Yelemiya 17:16

Lelo kwene asi nene nakupamvizye kuti ulete uononesi pano yali. Nupya asi nene nakumvilwe ukuyaletela uwanda wa ntazi. Wemo umanyile cii. Umanyile cino nalanda.

Ezaya 65:24

Ndayaasuka lino yatacili yangame, ndayuvwa na lino yatacili yamale ukuvwanga.

Masamu 112:8

Wene asisakamikwa nanti ukuvwa intete, akasininkizya ukuti alalola kuno anisi yakwe yakucimba.

Masamu 91:8

Vyonsi vivyo wemo ulavilolekesya sile, nu kulola kuno antu aipe yakupeziwa.

Masamu 79:8

Utatuvunuka apa uyi uno vikolwe vitu vyacisile. Ale swemo, utuyelele sile uluse, pano swemo amano yati yatupela.

Masamu 56:6

Apa kukongana yakafisama, yakanteyamila muli vyonsi vino nkacita apakuti yankome.

Masamu 56:2

Yano twapusana nayo yakunkatukila sile kasanya konsi!

Masamu 5:8

We Yawe, nkweti anisi aingi! Ntungulule umukucita ukulonda kwako, Ungupazye inzila yako pakuti nalondelamo.

2 Samueli 1:17

Alino lyene Davidi watulwile impoma, atandika nu kulosya Saulo na Yonatani.

1 Tesalonika 4:15

Kusambilizya kwa Mwene witu Yesu kwakuti, swe muno tucili aumi tutalakolelela yao afwa.

1 Samueli 26:10

Nalapa umwi zina lyakwe Yawe waumi ukuti Yawe umwisikulu alakoma Saulo lino insita yakwe ilafika, nanti alaya ku nkondo akuno imfwa ikamuzane.

Masamu 46:8

Izini, mwize muilolele vino Yawe wacita! Izini mulole ivyakuzunguka vino wacita pano nsi!