Masamu 50:19 - Amazwi Yakwe Leza 2013

¹⁹ Ala mwemo utulomo twinu, tukatotola sile iviipe. Nupya musiiuvwa ni nsonyi apa kutumpoka ufi.

Masamu 50:19 Referans Kwoze

Masamu 10:7

Imvwango zyakwe mwazula ivitipu, intumpu, ni ngofyo. Wene wakalauka ukulanda amazwi ya ukali aipe.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

Yelemiya 9:5

Yonsi yakatumpwilana sile na auze. Kutaya nanti wenga akalanda vyampomvu, lelo yaelezya sile kulanda vyantumpu. Yene yaipisya cakuti cayaposya nu kuzenzuka.

Masamu 55:21

Amazwi yakwe, yali sile asuma, lelo umu mwenzo wakwe mwene ulupato sile ali luno lwali mwenemo. Amazwi yakwe yuvwikanga atambalale fwandi mbali yali anyoleke wa lupanga.

Oseya 4:2

Muli sile ukutipwila, ukutumpoka, utazi wa katwe, ukwiya nu kulongozya. Antu yakulunduluka ukwifya, nupya yakalukukomana.

Masamu 55:12

Nga cali icakuti umwanisi awino akuncuzya, nemo ntangasakamala foo. Nanti nga cali icakuti awenga pali yano twapusana awino akuitutumula kunondi ningafisama sile.

Masamu 5:9

Ivikavwanga anisi yane visi vyakutaila foo. Yene yakalonda sile ukonona ivintu. Imvwango zyao izyakulyongofya, lelo zyazulamo amazwi yausomvi.