Masamu 40:2 - Amazwi Yakwe Leza 2013

² Wamfumya mu ciwina icitaiipila, umu matipa umu lutikiti! Anteeka apa ciliwe apapela, pano nasonkomala.

Masamu 40:2 Referans Kwoze

Masamu 37:23

Yawe aliwe akatungulula intampulo muno umuntu angapita ningo, nu kumuzanzya cikamuzanzya ndi walola vino akutampula ningo.

Masamu 119:133

Ndi muno wandaile, ndemelele, utaleka impone. Utaleka inkota zincimvye.

Masamu 27:5

Umu nsita ya mazanzo, aliwe akansunga umu mutanda wakwe. Aliwe akamfisa umu Ng'anda yakwe ikulu nu kuntongamika apapelapela ya ciliwe.

Masamu 61:2

Nemo napelelwa, kunondi nu kumwitu kwatalimpa, awewe sile nalaizya! Ntwale sile kumwitu ukwakuti ningikalilila.

Masamu 71:20

Wemo awewe ukandetela amizu na malanda. Lelo nupya awewe kwene ulampuputula. Nu kumfumya uku milomo yi lindi.

Masamu 86:13

Pano ukutemwa kwako kunondi ukwa muntaputuka ukukulu sana, Nemo wampususya nu kwi lindi kwene.

Masamu 69:2

Natinatuwila umu lutikiti uluzike wakwe cimwi. Pasi nanti pamwi apakulyata apa komile. Indi api ziya umucumi. Amayimbi nayo yali umupipi nu kwiza ntuwizya.

Zakaliya 9:11

Yawe wavwanga wati, “Pamulandu nu upangano uno napangine namwe uwamalilike ku wazi wa mpolelwa, nemo lyene namapususya antu inu mu uzya, namayafumya mu ciwina ca uzya, umutaya amanzi akumwa.

Masamu 18:36

Wasalalika inzila umwakulyata ingazo zyane, kuti nazyo zitapumba inzila.

Milimo 2:24

Lelo Leza wamusapwile ku kuwaika kwa mfwa, wamuzyukwile kufuma ku afwe, pano imfwa yaposiwe kumucimvya.

Masamu 143:3

Umwanisi akucuzya umwenzo wane. Watafwanta umi wane pansi. Watampatikizya ukwikala umu mfinzi, ungati ayano yafwa mpiti.

Masamu 17:5

Nemo nkalondela umu nzila zyako kwaula ukunenuka, pano limwi ingazo zyane zingasyelemuka.

Masamu 116:3

Uzanzo wa mfwa wanzingulwike. Isakamiko lya mfwa wamvimbilikizye, icakuti nemo pasi pantete nu kusakamala sana.

Mateo 13:50

nga yasumbe aipe mwi lungu lya moto, mumo muno yalalila nu kulumanya ncecete.

Ezaya 24:22

Leza amatitikanya pamwi, yamwene yonsi amu ciwina icili conga kwene, ungati anyepwe. Amayayalila umu ng'anda yaminyololo, ukufika na pa nsita ino yalayalolwela penepo.

Masamu 18:7

Lyene insi ali pakusunkana nu kutenta. Amasinte ya myamba pasi pakutelengana apamulandu nu kali wakwe Leza.