Masamu 36:4 - Amazwi Yakwe Leza 2013

⁴ Lino aizi pa musanzi wakwe, ala akwelenganya sile inzila zya lufyengo zitupu. Imisango yakwe isi yampomvu. Wene asifuntuka ku uyi nanti lyonga.

Masamu 36:4 Referans Kwoze

Mika 2:1

Kalanda ku antu akapanga ukucita inkota, na kuli yao yano usiku onsi yakaelenganya ukucita iviipe. Lino yazyuka akatondo iyatandika ukucita iviipe, pano ala yakweti amaka.

Mapinda 4:16

Pano yene pakulala utulo, suka yatala yaifya. Yasilola utulo suka sile yatala yacitapo cimwi iciipe uku muntu.

Loma 12:9

Kutemwa kutayamo usomvi. Musule vintu viipe vyonsi. Lemasyini visuma vyonsi.

Ezaya 65:2

Nemo lyonsi naya umwi umuiteyanye ukuzengela antu yaa, nanti yene yakaluvyanyizizya sile itolo, nu kuicitila vino aeneco yaitemilwe.

Umbwilo 2:2

Namanya vino ukacita. Namanya kuomba kuno waombisye nga nu kuteeka umwenzo. Namanya ukuti wemo utangazumilizya yakaifya nga nupya wemo wezizye yao akati yene atumwa lino yasivyo. Lelo wayezya wazana ukuti yene antumpu.

Masamu 97:10

Yawe watemwa antu yano yapata iviipe, akasungilila imyenzo ya antu yakwe, nu kuyapususya umu minwe ya aipe.

Loma 1:32

Nanti angala yamanya vino Leza wapingula ukuti antu akacita vii yalinzile ukufwa, lelo ala yakutwalilila kuvicita, yalundapo nu kukomelezya yao akavicita.

Milimo 23:12

Uca katondo, nga Ayuda yamwi yakongana pali pamwi yapangana, yalaya nu mulapo ukuti yatakulya nanti kumwa suka yakome Paulo.

Mateo 27:1

Lyene katondo, yasimapepo akalamba onsi, nga na aikolo yalanzyanya vya kucita pa kukoma Yesu.

Mika 6:8

Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.

Amosi 5:15

Patini iviipe, temwini ivisuma. Sininkizini ukuti mukucita ulungami mu matengo inu amilandu. Namanye limwi alino Yawe Wamaka yonsi alaya na mizu pa antu yonsi asyala amu mutundu wakwe Yosefu.

Yelemiya 8:6

Ninkutikila awe cumi ntange nuvwe kuno yakulanda vyampomvu. Kusi nanti wenga wino watazenzuka ku uyi wakwe, wakuti avwange ati, ‘Uzye icani cino nacita?’ Yonsi pyu yali sile apumboke nu kulondela inzila zyao kwati i mfwalasi ino yalucocoma umu nkondo.

Yelemiya 6:16

Yawe wavwanga ku antu yakwe ati, “Imililini pa masansa ya museo, mucelecensye! Muzye inzila zyampiti nupya muzye ukuli inzila zisuma alino lyene mupite mwenemo. Lyene mulikala mu mutende.” Lelo mwemo mwakanyile imuti nu kuti, “Tutange tupite mwenemo, awe!”

Mapinda 24:23

Ivyalondelela penepo, imvwango zino zyafuma uku antu ya malango. Ukuya nu muncizyanya apa kuputula imilandu kutazipa foo.

Masamu 52:3

Wemo watemwa iviipe ukuluta ivisuma, watemwa intumpu ukuluta kulanda icumi.

Masamu 38:12

Yao akalonda uku nkoma nayo yati yanteya inkose, na yao akalonda uku ncisa, yakungofya. Anene sile yikalile umusanya onsi ala yakumpangila.

Yobo 15:16

Ale fwandi umuntu wene cingapela kwi! Wiyo uwa miyele iipe nupya ivulungane! Nga vino wene akacita inkota kwati avino akamwa amanzi!

Esita 6:4

Umusambazi nupya auzya ati, “Uzye umwi sano muli aomvi yane yamwi?” Lyene lilyo kwene Hamani acincila ukwingila umu musolo wakwisano ukunzi, apakuti alenge ulusa uku musambazi ulwakukulikila Modekai uku cimuti cino wamuteyanyizizye.

Esita 5:14

Zelesyi umuci wakwe pamwi na auze yakwe yonsi yamutolelela iyati, “Si wemo yanga sile ukimike icimuti icitali icingafika nu ku mamita amakumi yaili na yatatu. Mutondo akatondo tondo uce ukanene umusambazi ukuti Modekai akulikwe sile. Alino muce muye uku cimulo pamwi nu mwene ni myenzo isansamuke.” Apakuvwa vivyo, Hamani pasi pakusansamuka. Apela ni lamulo lya kwimbila icimuti ukwakukulikila Modekai.

1 Samueli 19:11

Usiku kwene ulya Saulo atuma aomvi akuyalengula ku ng'anda yakwe Davidi pakuti yace yamukome akatondo. Lelo Mikala, umuci wakwe Davidi, amusoka, ati, “Usiku wi lelo ndi cakuti ututwike, mutondo ale yatiyakukoma.”

Mapinda 24:2

Pano yene yakaelenganya sile ivya ukukakasi umu myenzo yao. Yene ndi yavwanga icintu conga, ala caya icakucuzizyako umwi.

Yelemiya 4:22

Pano kwene antu yane yatumpa, nupya yatamanya, awe. Yene yakolana na ana aula amano. Yene yatamanyile nanti cimwi. Yacenjela sile umu kucita iviipe. Yakaposiwa ukucita ivisuma.”