Masamu 33:17 - Amazwi Yakwe Leza 2013

¹⁷ Imfwalasi itange iye iya kutailako apakupusuka foo. Amaka yakweyo atupu yatange yakutuule foo.

Masamu 33:17 Referans Kwoze

Mapinda 21:31

Umuntu angateyanya mfwalasi yakuya lwisizyako inkondo, lelo Yawe wenga mpo aliwe akapeela ucimvyo.

Masamu 20:7

Yamwi yene yataila umu maceleta na yamwi umu mfwalasi yao. Lelo swemo twataila mwi zina lyakwe Yawe Leza witu!

Masamu 147:10

Wene asizangila mu maka ya mfwalasi, nanti ukusansamukila mu muntu wa lwilo.

Oseya 14:3

Aina Asilya yatangatutuula, ni mfwalasi zya nkondo zitangatucingilila. Vino twapanga uku makasa itu tutalatala twame tuti, ‘Leza witu,’ pano wewe waya na mizu ku ana asyale.”

Ezaya 30:16

Mukalonda sile ukuzinganya anisi inu pa mfwalasi. Nu kulungika ee kwene mukalungika, kamwalukuutuka! Mukaelenganya ukuti imfwalasi zinu izyalwilo sana. Lelo mulalola ukuti yano yakamuzinganya yalamulusya ulwilo.

Kasambilizya 9:11

Naweni icintu nacuze. Icintu cico icakuti antu yano yakwatisya ulwilo yasicimvya mu kucimvyanya, na antu aposye yasicimvya mu nkondo. Antu yamano asi lyonsi lino yakwata ivyakulya. Antu acenjele asi lyonsi lino yakaya akama. Antu asambilile asi lyonsi lino yakasyukila incito ya papela, pano isyamo likaponela umuntu ali wensi.

Yakapingula 4:15

Lino Balaki ni vita vyakwe yatandika kuzanza, Yawe avulunganya Sisela kumwi na maceleta ni vita vyakwe kwene. Sisela aika mwi celeta lyakwe nga atandika nu lwilo pansi.

Malango 20:1

“Ndi mwaya ku kulwa inkondo, mwalola ukuti anisi inu pamwi ni vilwilo vyao ivya nkondo ivili wa maceleta, ni mfwalasi, vyaluta iviinu ku wingi, mutakuvwe intete. Pano Yawe Leza winu, uwamufumizye mu Eguputo alaya namwe.

Masamu 20:8

Yene yalapumika nu kupona pansi. Lelo swemo tulimilila sika nu kuzyansya!

Ezaya 31:1

Kalanda kuli yayo akasimwilila ku Eguputo, ku wazwilizyo. Yao akaika amano umu kutaila imfwalasi. Yao ataila amaceleta, ni vita ivikasimuzya amaceleta kwene ukwaula kutaila muli Yawe, Wamuzilo wakwe Izlaeli.