Masamu 22:5 - Amazwi Yakwe Leza 2013

⁵ Awewe vyalililanga nawe ala ukuvipususya. Vyakutailanga nga vitaicuzizye awe.

Masamu 22:5 Referans Kwoze

Loma 10:11

Pano calembwa mu malembelo cati, “Wino wensi uwamutaila wene atalacitwa insonyi.”

Ezaya 49:23

Yamwene yalaya ali yaso akukulela. Yanamwene nayo yalaya ali yanyoko akukulela. Yalakufukamila mpaka yasimpa nu tupuma twao pansi. Yalamyantila nu lukungu ku ngazo zinu. Alino lyene ulamanya ukuti nene indi Yawe. Yayo akapaalila munondi insonyi zitalayalema awe.”

Loma 9:33

Ndi vino malembelo yakati, “Lolini naika mu Zioni iwe lya kuipuma, ililalenga kuti antu yapumike nu kupona. Lelo wino wensi uwataila munoli atalacitwa insonyi.”

1 Petulo 2:6

Pano calembwa mu malembelo cati, “Nasolwile iwe lyamutengo cuze, lino nkwika mu Zioni liye iwe lya pitungi, na wino wensi uwataila munoli atalacitwa insonyi.”

Ezaya 45:17

Lelo Yawe alatuula Izlaeli, nga ufyusi wakwe ulaya uwa muyayaya. Antu yakwe yatalazewana nanti ukulengwa insonyi nupya.’ ”

Masamu 106:44

Lelo wene wayayelelanga ulanda, apakuvwa inkuuta yao.

Masamu 71:1

Leza we, akuli wewe akuno nemo nkazina, utaca ukatale ukaleke nuvwe insonyi.

Masamu 31:1

Nazina kunuli we Yawe, ni nsonyi zitakundema foo. Untuule pano wewe wa ulungi.

Yakapingula 6:6

Aina Izlaeli yatakweti amaka akulwa nayo.

Yakapingula 4:3

Yabini wakweti amaceleta imyanda fundimbali a vyela. Wene wateesile aina Izlaeli mu uluku. Caleka aina Izlaeli iyakuuta kuli Yawe kuti ayazwe.

1 Milandu 5:20

Leza wayazwilizye apa nsita ino yalwanga inkondo, nga yacimvya aina Hagili pamwi na yonsi yano yalemine nayo. Yene yataile muli Leza. Acino apa nsita ino yakulwa yapepa kunoli nga nawe auvwa amapepo yao nu kuyapeela ucimvyo pa ina Hagili na yayo alemine nayo.

Yelemiya 50:7

Wensi wino wayakomenkanya ayatakanya. Na anisi yao ala yakuti, ‘Usi mulandu witu foo, nga vino yaifya kuli Yawe, ikola lyao lya mpomvu nu utailo wa vikolwe vyao.’

Danieli 3:28

Lyene umwene Nebukadineza avwanga ati, “Lumbanyini Leza wakwe Syadilaki, Mesyaki, na Abedinego! Wene wali watuma umungeli wakwe nu kupususya antu yaa yano yakamutumikila nupya yataila munoli. Antu yaa yali yakana ukuyela amalamulo yane nupya yatemwa ukufwa ukuluta kupepa nanti kutumikila kaleza kali konsi suka sile Leza wao aisikulu.