Masamu 22:16 - Amazwi Yakwe Leza 2013

¹⁶ Icikundi ca antu caticindizizya, yali kwati akapukutu kakwe yasimbwa. Yatiyanyenkola amaulu na makasa yane

Masamu 22:16 Referans Kwoze

Yoane 19:37

Nacuze calembwa mu malembelo cikati, “Antu yalalola wino uwatosilwe ni sumo mu mbazo.”

Mateo 27:35

Lyene lino yamutana pa lupanda, yaankana ni vizwalo vyakwe, pacisila ca kupendola.

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Yoane 20:25

Caleka alondezi yauze iiza yamunena yati, “Twati tulola Mwene.” Lelo wene ayanena ati, “Ntakutaila, suka ndi nalola viyazi ivyacisilwe ni nsunga mu makasa yakwe nga nu kwika umunwe wane pa viyazi vivyo, nga ni kasa lyane mu mbazo zyakwe.”

Yoane 19:23

Lino asilika yatana Yesu pa lupanda yatoola vizwalo vyakwe yankanya pani, nga cila musilika atoola cino yamwankinye. Yatozile nu mwingila wakwe kwene, uno wapanzilwe kwaula mulundo.

Mako 15:24

Lyene yamutana pa lupanda, yankana ni vizwalo vyakwe, yapendola pakuti yalole vino cila muntu amapelwa.

Yoane 19:34

Lelo wenga uwamu asilika amutota ni sumo mu mbazo, nga lilyo kwene mufuma wazi na manzi. (

Luka 23:33

Lino yafika ku cifulo camwangwa, “Pi panga,” yatana Yesu ni vipondo vyoili kwene, conga kwi kasa lilunji ni cuze kwi mani lyakwe.

Filipi 3:2

Cenjelini na antu ankalwe wakwe yasimbwa. Kuli kuti yakacita ya viipe aonsi akakonkowezya kuceka nkanda ku mili.

Luka 23:23

Lelo yatwalilila kulaizya nu kupamvya kuti Yesu atanwe, nga nu kulaizya kwao kusuka kutonsya Pilato.

Ezaya 53:5

Lelo ukuya kwene, apali ucipote witu, icalenzile ukuti yamucisole vivi. Apamulandu wa uyi witu, icalesile ukuti yamume mu musango uwa. Ukuumwa kwakwe ukwalenzile ukuti twikale mu longo. Ivyumo vyakwe ivyalenga ukuti tupole.

Masamu 22:20

Mpususye uku lupanga, mpususye kuli yasimbwa yayo

Masamu 22:1

Leza wane, Leza wane, uzye icani cino wantazyela? Nkula nkulaizya ntulwe, lelo kusi kukalauka ukungazwa!

Yoane 20:27

Lyene anena Tomasi ati, “Ndu simpe umunwe wako paa nu kulola makasa yane. Tambika ikasa lyako ulipisye mu mbazo zyane. Taa ukutwisika, nga utaile!”

Masamu 59:6

Amanguzi yaya weluluka umu musumba, yakung'anza sile wakwe yasimbwa nu kufyatoka.

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.

Masamu 86:14

Iye we Leza, ala antu yavilumba yatiyankatukila, iumba lya antu akakate likulonda ukundya umwisi, antu yao atakusakamala nanti panono.

Mateo 26:57

Yao alemile Yesu yamusenda ku ng'anda yakwe Kayafa Simapepo Mukulu, kuno yakasambilizya ya Masunde pali pamwi na aikolo yakongine.

Mateo 7:6

“Mutapela yasimbwa vintu vyamuzilo, pano yalaseleukila kunomuli yamulume. Mutapela yakapoli vintu vicindame wa mawe yamutengo, pano yene yalavilyatola.

Yelemiya 12:6

Ala na anyonko kwene amu lupwa lwako nayo yalakutazyela. Yene yaluminkana ni umba ililiza ku kukulwisya. Acino fwandi utayalondelezya nanti angala yakuvwanga amazwi yakwe ucuza.”

Masamu 59:14

Amanguzi nga yaweluluka umu musumba, yakung'anza sile wakwe yasimbwa, nu kufyatoka.

Masamu 38:11

Ivyuza vyane, na inipamba lyane, yati yantaluka apamulandu wa vilonda vyane.