Masamu 22:15 - Amazwi Yakwe Leza 2013

¹⁵ Icikolomilo cane caticuma wa lukungu, nu lulimi lwane lwatilulematila ku kanwa. Watunsya wa mufwe umu lukungu lwa mfwa.

Masamu 22:15 Referans Kwoze

Yoane 19:28

Alino pa nsita ilya Yesu wamanyile vino vyonsi vyati visila, nga pakuti cifikiliziwe cino calembwa mu malembelo, avwanga ati, “Nuvwa lusala.”

Masamu 69:3

Natintonta wakwe cimwi muno nkulaizya inti, “Ntuulwe!” Uku nsingo nako kwatikuuma. Amanso nayo yati yasuka iyatumbuka muno nkukulolekesya kuti wize untuule.

Ezaya 53:12

Ali mulandu kwene uno nani ndamuteka pamwi apa cindame, apakasi ka yacindami nupya a maka. Pano umweneco kwene uwayazumilizye ukuti yangamukoma nu kuti yamucitile icili conga ni ntalanganyi. Fwandi aliwe wasungutile pali yakaifya avule apakuyapapatilako apa kwifya kwao.

Masamu 69:21

Lino inzala yandumile, yanjikile sumu umu vyakulya. Lino ulusala lwandumile, nalyo yamwesizye waini umusasalume.

Masamu 38:10

Umwenzo wane uku kulukunta, na maka yatiyasila, na kanda katikaya pa manso.

1 Kolinto 15:3

Namupiile mazwi akulu kuluta yano napokelile. Mazwi yaa, akuti Klistu watufwilile pamulandu wa maifyo itu, ndi vino calembwa mu malembelo.

Masamu 104:29

Ndi cakuti wavifutatila pasi pakuvwa intete. Ndi cakuti watala wavicilikila ukufuta, ala ali mifwile iviswilila nu kulukungu kuno vyafumile.

Mateo 27:50

Lyene Yesu alaizya ni zwi likulu, nga afwa.

Mapinda 17:22

Umwenzo wa nsansa umulembo usuma sana. Umwenzo utitikiziwe ukaumya amafupa.

Yobo 29:10

Nanti aya simucindikwa yonsi, ala yata ukulanda, yikala cele.

Danieli 12:2

Aingi muli yayo afwa mpiti yalazyukuka: yamwi uku umi wa pee, yamwi nayo ku kupupana kwa pee.

Nyimbo zya ndosya 4:4

Yene yakaleka ana yao yafwa ni nzala nu lusala. Utwana tukulenga vyakulya vyakuti tungalya, lelo pasi uwakutupeela nanti cimwi.

Masamu 30:9

Uzye uwazi wane ivyani vino ungakuzipila, ndi cakuti natenzi umwi lindi? Uzye ndi nasanguka ulukungu, ningakulumbanya nu kutakola icumi cako?

Yobo 34:15

lyene ivintu ivyaumi vyonsi vingalowa pyu. Nu muntu kwene angafwa aswilile nuku lukungu.

Yobo 10:9

We Leza icumi iusya ukuti nemo awewe wambumvile ukufuma ukwivu. Alino lyene fwandi ufutuke nu kunswilizya ukwivu kwene?

Utandiko 18:27

Nupya Abulaamu avwanga ati, “Napapata unjelele pa kuuzya kunuli nu kupama. Nemo nene muntu silesile kunuli, nupya ntakweti nsambu yakulanda.

Utandiko 3:19

Ulakailwa pa kuzana ivyakulya kufika lino ulaswilila ku musili kuno waumvilwe. Waumvilwe ukufuma ku musili, nupya ku musili akuno ulaswilila.”

Yobo 7:21

Uzye kwene utange unjeleko uluse apakukwifya kuno nakwifya, nanti usule sile kuli vino nakuluvyanya? Ala nemo nasya mfwe yanzike nu kunzika. Ulandonda, lelo nemo ntalayapo.”

2 Samueli 14:14

Swensi pano sweswe ina kufwa. Twaya wa manzi yano yitika pansi, atange yazyolwe. Lelo Leza asicita utazi wa katwe, wene angalonda inzila iya kuwezezyamo umuntu ukufuma kuno utukila.

Yobo 19:20

Natinsyala sile umupomponteke, kwempe sile ni mfwa.

Yobo 30:16

“Kwene lyene indi umupipi ni mfwa. Amanda ya ulanda yati yanzana.