Masamu 16:4 - Amazwi Yakwe Leza 2013

⁴ Yayo akapamviwa ukupapata tuleza utuluwi, yakailetela sile intazi. Nemo ntalatala nezye ukutuula impolelwa ya wazi nanti ukupepa tuleza twao tuto.

Masamu 16:4 Referans Kwoze

Kufuma 23:13

Muvwikisye vyonsi vii vino namunena. Mutapepa tuleza tuze, mutalumbula na mazina yatuko.

Yoswa 23:7

Mutaezya ukusakana na antu amu nko zi zyonsi izyasyala pakasi kinu. Mutaezya ukulumbula amazina yakwe tuleza twao nanti ukuomvya amazina yatuko nu mulapo. Mutaezya kufukamila nanti kupepa tuleza tuto.

Masamu 97:7

Yakapepa yatuluwi, insonyi kaziyaleme, yayo yonsi akaitanka apa vyaciwelewele. Alino mwe tuleza tonsi mufukamilini pansi.

Masamu 32:10

Umwipe akaponelwa na macuzi aingi. Lelo wiyo uwataila umu Mwene, wene alacingililwa nu kutemwa kwakwe ukwa pe.

Yona 2:8

Antu akapepa utuluwi tuleza utwasilesile yaponzya icikuku cako.

Ezaya 57:6

Mukatoola na mawe atelepe ayano mwafukamila. Mukaitulwila penepo amawengwa nu kutuula amawila ya vyakulya. Uzye mwemo mukati natemwa vivyo, vwile?

Yelemiya 7:18

Ana yakasweya inkwi, yaisi nayo yapemba umoto, anaci nayo yakandila umunya wakupangila namwene wa kwiyulu yakeke. Nupya yene yakapongolwela uwila wakwe waini kuli tuleza tuze apakuti yansosye.

Ezaya 66:3

Yamwi yakatuula cipambasi wa mpolelwa, yamwi yakakoma nu muntu yatuula wa mpolelwa, yatuula umwana wa mfwele wa kunyonga simbwa insingo, pakumukoma pakoca impolelwa, yamwi nayo yakatuula usu nanti uwazi wakwe kapoli, yamwi yakaocela ubani wa ciusizyo nanti ukupolelela utuluwi. Ala antu yaa pasi pakutemwa imipepele yao iipisye.

Ezaya 65:11

Lyene cilaiyela kuli mwemuno mwafutatila Yawe, mwemuno mukakana Zioni ukwi tolo sile, umwana wane uwamuzilo, mwemuno mukapepa Gadi na Meni, tuluwi twakumuletela isyuko nanti imipamba. Ala mwemo, mulacilola.

Aina Levi 23:13

Kwika pali suuku mulinzile ukupeela makilogalamu yaili ya usu utonyoleke, utikinkanye na mafuta ya miolivi kuti vipelwe kuli Yawe wa wila wakoca. Uwila uu uwa mununko usuma ukazanzya Yawe. Nupya cuze cino mulinzile ukupeela pamwi na suuku, uwila wa vyakumwa kulingana na lita wenga wakwe waini.

Utandiko 35:14

Yakobo aimikapo iwe lya ciusizyo ca cifulo cici. Aitilapo uwila wa vyakumwa na mafuta.