Masamu 145:15 - Amazwi Yakwe Leza 2013

¹⁵ Amanso yakwe vyonsi ivipuma yakulola pali wewe, nga nawe ukavipeela ivyakulya apa nsita ilingine.

Masamu 145:15 Referans Kwoze

Masamu 136:25

Wapile icakulya uku caumi icili consi, pano luse lwakwe ulwa pe na pee.

Masamu 104:27

Vivyo vyonsi, awe vikalila wewe, apakuti uwavipeela icakulya uwavilisya insita yonsi.

Milimo 17:25

“Nupya asilonda cimwi cino tungaleta kunoli apakumuombela, pano umwisikulu akapeela umi nu muza ni vintu vyonsi kuli onsi.

Mateo 6:26

Lolini vyunyi vya mulwelele! Vyene visyakomela imbezu nanti kuzombola. Vyene vitakwata incende nanti inkoma mwakusezya vilyo. Lelo So uwa mwiyulu akavilisya. Uzye mwemo mutavilusile?

Luka 12:24

Lolini yamwankole! Yene yasyakomela imbezu nanti kuzombola. Yene yatakwata incende nanti inkoma mwakusezya vilyo. Leza akayalisya! Lelo mwemo muyalusile kutali.

Utandiko 1:30

Lelo ku nyama zyonsi zyamu mpanga nga ni vyunyi vyonsi ivikapapuka, visela vyonsi, viumbwa vyonsi vyaumi, natimpeela mulemvwe na mafwa kuti vyalya. Nga cicitika vivyo kwene.”

Yowelo 2:22

Mutuuvwa intete, mwe nyama zyamu mpanga, pasi pano umulemvwe watiumela umu nyika. Imiti nayo yatiseeka iviseekwa. Amasamvu na matingi vyativivula wakwe cimwi.

Masamu 104:21

Utwana twakwe yacisama nato nga tutandika ukulila ala tukulonda icakulya cino Leza akatupeela.

Masamu 145:9

Yawe umusuma kuli yonsi, nupya waya na mizu ku viumbwa vyakwe vyonsi.