Masamu 141:5 - Amazwi Yakwe Leza 2013

⁵ Umulungame nga wanguma cilaya ica luse. Vyonsi ndi cakuti wankalipila, cilaya wa kumpaka amafuta pa mutwe. Umutwe wane utalakana foo. Amanda yonsi, nemo nkalwisya wakwe yakaifya umu kupepa kwane.

Masamu 141:5 Referans Kwoze

Kasambilizya 7:5

Cazipa kutezya ku muntu wamano wino akukunenola, kuluta ukuuvwa ku viwelewele ivikwimba inyimbo zyakulumbanya.

Umbwilo 3:19

Nkanenola nu kuvunuka yonsi yano natemwa. Lyene ikako mano nu kuzenzuka.

Galatiya 6:1

Inane, ndi umwi waponela mu kucita ciipe, yao a munomuli akatungululwa na Mupasi Wamuzilo, yalinzile kumuwezya nu kumutungulula umu nzila yololoke. Lelo mulinzile kucita cii nu mutembo. Nupya muisunge mweisikulu pakuti namwe kwene mutaponela mu mezyo.

Mapinda 25:12

Umuntu wamano ndi wanenola umuntu, uiteyanye ukuvwa, pano amasizo yakwe yaluta amaelena yakwe zaabu, nanti iciyembelo cakwe zaabu musuma sana.

Mapinda 19:25

Uwa mitumfyo yalinzile yamume apakuti antu yano yatamanya umwalola amano, yasambililile kweneko. Kalipila umuntu wa mano apakuti ailuke, atezye.

Mapinda 15:5

Iciwelewele cikasuula ukusunda kwakwe isi, lelo wiyo akafukila ukukalipilwa ali wino wacenjela.

2 Milandu 25:16

Lelo lino acili akulanda, umwene amunena ati, “Uzye wewe twasonta kuti uye mpandamano wa mwene? Si tuzya sile! Ndi watwalilila namapeela ilamulo kuti ukomwe!” Acino kasema wilya ata ukulanda. Lelo avwanga sile amazwi yaa ati, “Manyile ukuti Leza wapanga ukukonona, pamulandu wakuti wacita icintu cii nu kukana ukutezya ku mazwi yane aku kupanzya amano.”

Mapinda 6:23

Pano amasunde yali wa lukozyo, nu usambilizyo uli wa luswepo. Pano ukukalipilwa nu ufuke ili nzila ya umi.

Masamu 125:4

We Yawe, sungala uwalukucitila antu asuma iviziipe, yayo akayela amasunde yako.

Masamu 51:18

We Leza, uku luse lwako ungakomelezya Zioni, apakuti ilinga lyaku Yelusalemu, likulwe cipya cipya.

Masamu 23:5

Wemo ukanjimula pa manso ya anisi yane. Ukampaka na mafuta uku mutwe wane, nu lwako lwane iluzula nu kusambela!

Mateo 5:44

Lelo nemo namunena nati, temwini anisi inu, pepelini yano akamuzunya,

Mapinda 15:22

Ukutaya ukupanziwa amano amapange yasifikiliziwa. Lelo ukwavula yampandamano kwene yakafikiliziwa.

Aina Levi 19:17

“Utaya na kaikila ku muntu umwi mu mwenzo. Lelo utiifya pamulandu wa muntu wiyo.

Mapinda 12:1

Umuntu uwatemwa malango wene akalondesya ukumanya ivintu vya mano, lelo uwapata ukusundwa wene watumpa