Masamu 132:9 - Amazwi Yakwe Leza 2013

⁹ Yasimapepo yako kayazwale uololoke. Akaele nayo kayapunde nu luzango.

Masamu 132:9 Referans Kwoze

Yobo 29:14

Lyonsi nemo nacitanga ivyaololoke, icakuti vyasangwike kwati ali vyakuzwala vyane.

Umbwilo 19:8

Wene watapelwa nsalu iswepe nupya itiswe iyakuti azwale.” Nsalu itiswe ali vicitwa visuma vya antu yakwe Leza.

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”

Zakaliya 9:9

Sansamukini sile mwe ikazi amu Zioni! Umilini tupundu mwe ina Izlaeli! Lolini umwene winu awilya akwiza kuno muli! Wiza yakumucinila isoonga, pano watacimvya, lelo kwene wataicefya akuipitila pali punda, nawe indama mwana punda.

Ezaya 61:10

Iye mwe, Yelusalemu wane! Siangala nalukuzangila muli Yawe nu luzango. Umwenzo wane kawalu kuzangila muli Leza. Pano nemo watanzwika icakuzwala cakulanga ukuti nimpusuka. Watanzwika ilaya lyakulanga ukuti natincimvya. Eya, lyene nemo ndi wakwe nawinga wino azwite candaluwa!

Masamu 132:16

Yasimapepo ya mwenemo ndayapolelela muli vyonsi vino yalacita, nga na ikazi ya mwenemo nayo yalimbila nu kupunda nu luzango.

Masamu 104:1

Lumbanya Yawe we mwenzo wane! Iye we Yawe, Leza wane, vino wakwatisya amaka! Wemo wazwala ululumbi nu usambazi.

Masamu 93:1

Yawe aliwe akateeka. Wazwala ivya ucindami, wazwala na maka. Aliwe uwatungilila insi, isi yakutelengana foo.

Loma 13:14

Lelo lekini Mwene Yesu Klistu aye pipi namwe wa visyangu vinu vino mukazwala. Tiini kusakamala musango wa untunze nu kuzanzya vilondwa vyauko.

Zefaniya 3:14

Si aleni saulini ulwimbo lwa nsansa mwe ina Izlaeli, mwangulisye nu kuzanga nu mwenzo onsi!

Ezaya 65:14

Yene yalaimba inyimbo zya nsansa, lelo mwemo mulaalila sile impooma pamulandu ni myenzo ukuwaya.

Masamu 149:5

Ka antu yakwe Leza yazange mu ucimvyo uu, yaimbila nu tupundu usiku onsi.

Masamu 70:4

Uleke yayo yonsi akaiza kunuli yasansamuke nu kuzanga! Uleke yonsi akalonda ukuti wewe uwayapususya lyonsi, yavwange yati, “Kawala kuli we Leza witu!”

Masamu 68:3

Lelo asuma yene, yalasansamuka nu kuzanga pa cinso cakwe, yalasansamukisya wakwe cimwi.

Masamu 47:1

Komelini amakufi mwe antu ya mitundu yonsi! Sanzulini amazwi apa kwimbila Leza ni nsansa!

Yakapingula 5:31

Acino we Yawe sungaleka anisi yako yonsi yafwe, lelo sungaleka yacuza yako yaengesa wa kutunka kwi lanzi! Nga mu mpanga ilya mwali umutende pa myaka amakumi yani.

2 Milandu 6:41

“Iye! We Yawe Leza, ale lyene katuka wingile mu cifulo cako, wewe kwene pamwi ni Mbokosi ya Upangano, iili icimanyililo ca maka yako, amuno uwaikalilila amanda pe. Uwapolelela yasimapepo yako umu vintu vyonsi vino yamacitanga. Uwaleka nu kuti antu yako yonsi yakusansamukila pano awewe ukayazanzya cuze.