Masamu 119:105 - Amazwi Yakwe Leza 2013

¹⁰⁵ Amazwi yako ali lampi ilya kuntungulula, nupya ali luswepo lwa kunkozezya inzila yane.

Masamu 119:105 Referans Kwoze

Mapinda 6:23

Pano amasunde yali wa lukozyo, nu usambilizyo uli wa luswepo. Pano ukukalipilwa nu ufuke ili nzila ya umi.

Masamu 43:3

Nkozezye sile uluswepo lwako, undangilile nu ufumacumi wako uleke avino vinkolelele, vintwale uku Zioni, uku mwamba wako uwamuzilo, nu kunjingizya umwi sano lyako, muno wikala!

Masamu 18:28

We Yawe, awewe ukakozya uluswepo lwa umi wane. Leza wane we muno ukankozezya umu kanda.

2 Petulo 1:19

Acino twasininkizya cuze ukuti ilandwe lino yakasema yakosozile lyene ilya cumi. Ndi mwasumba mano kunolili ale mwacita ningo, pano lyene likoline wi lampi lino likwaka nu kuyengesa mu cifulo cimwi mu mfinzi. Mulinzile kutwalilila kwikako mano kufika lino kwaca nga na lino namukokola watunka mu myenzo inu.

Yobo 29:3

Leza wali nani lyonsi nu kunkozezya, ali wino wankozezyanga uluswepo lino nkupita umukanda.

Efeso 5:13

Lelo luswepo lulasokolola vintu vii ndi vino vili.

Masamu 19:8

Amalamulo yakwe Yawe yaya alungame. Yao akayalondela yakasansamukila mwenemo. Amasunde yakwe yaya atunguluke, yakatungulula umupasi, nu kunjilula ningo.