Masamu 115:11 - Amazwi Yakwe Leza 2013

¹¹ Mwe, mwemuno mwakwatila Yawe icoopo, mwamutaila. Pano aliwe akamwazwa nu kumuvwangila.

Masamu 115:11 Referans Kwoze

Mapinda 14:26

Ukoopa Yawe kukakomya utailo, nga na ana yakwe yakazina munoli.

Milimo 10:35

Wino wensi akamoopa nu kucita vyawololoke, wene akazengelwa nawe nanti angala uwamu mutundu uze.

Mapinda 30:5

Amazwi yonsi yakwe Leza acumi. Wene ali cisyangu, cakucingilila yao akuzina munoli.

Umbwilo 19:5

Alino ku cilimba ca wene kufuma izwi liti, “Lumbanyini Leza mwe aomvi yakwe mwensi pamwi na antu yakwe onsi, anono na akulu kwene, mwe muno mukamucindika!”

Masamu 147:11

Lelo Yawe akasansamukila muli yayo akamucindika, muli yayo ataila mu kutemwa kwakwe ukwa pe.

Masamu 103:11

Ndi vino iyulu lyavimbilikizya insi yonsi, avino nu luse lwakwe lwaya kuli yano yakamoopa.

Masamu 33:18

Lelo Yawe akawaka yayo akamuyela, yayo ataila mu kutemwa kwakwe ukwa pe.

Masamu 22:23

Namavwanganga inti, “Lumbanyini Yawe, mwemuno mukamoopa. Mwamucindika, mwe luko lwakwe Yakobo. Mwamoopa, mwe ina Izlaeli mwensi.

Masamu 118:4

Antu akwatila Yawe icoopo kayati, “Ukutemwa kwakwe ukwa manda pe.”

Masamu 118:2

Aina Izlaeli kayati, “Ukutemwa kwakwe ukwa manda pe.”

Masamu 135:19

Mwe ina Izlaeli, lumbanyini Yawe! Mwe ang'anda yakwe Aloni, lumbanyini Yawe!