Masamu 107:40 - Amazwi Yakwe Leza 2013

⁴⁰ alino walesile ukuti asambazi yasuulwe, aleka nu kuti yalulumbe umu lwanga umwaula inzila.

Masamu 107:40 Referans Kwoze

Yobo 12:24

Aliwe akavulunganya amano ya ntunguluzi zya antu pano nsi nu kuleka ukuti yavulunganya ivintu nu kuzeuluka.

Yobo 12:21

Aliwe akalenga ukuti yakateeka yasulwe. Nu kulenga amaka yasile kuli yano akwata amaka.

Danieli 4:33

“Lilyo kwene ivyavwanzilwe pali Nebukadineza vifikiliziwa. Yamufumya apakasi ka antu nga atandika ukulya isote wa ng'ombe. Ulumi ilumukunga, ni nyele zyakwe zikula nu kutalimpa wa mavumbu yakwe cipungu nga ni ngala zyakwe zitalimpa wa ngala zya vyunyi.

Umbwilo 19:18

Izini mulye minyefu yakwe yakateeka, yamusika akulu, na asilika, minyefu yamfwalasi pamwi na yao akakwelapo, ni minyefu ya antu onsi, azya na antungwa akulu na anono!”

Milimo 12:23

Lilyo kwene mungeli wa Mwene alwalika Helodi pano atapile lulumbi kuli Leza. Helodi ingonyo zimulya, afwa.

Masamu 107:4

Yapulupuntanga umu lwanga, nu mu mapoli. Yatazanyile umusumba umwakwikala.

Masamu 78:66

Wazinganya anisi yao yaswilila mwenemo. Ali pakucimba vivyo kwene, ni nsonyi zyayalema.

1 Yamwene 21:19

Lyene ukamunene uti, ‘Yawe wavwanga wati, pacisila ca kukoma umuntu uzye umatola ni calo cakwe kwene?’ Nupya umunene uti, ‘Yawe wavwanga wati, mu ncende muno yasimbwa yamyansile uwazi wakwe Naboti, nawe kwene ali muno yalamyantila uwazi wako.’ ”

1 Samueli 6:4

Aina Filisti nayo iyuzya iyati, “Uzye fwandi uwila ci uwa cizumila mulandu uno tungamutumila?” Nayo iyaasuka iyati, “Utumawe tusano twakwe zaabu utukoline ni vipute nga natuze tusano utukoline na yakuza. Mukavilinganye ni mpendwa ya ntunguluzi zya ina Filisti, pamulandu wakuti icilumbelo icili cimwi kwene caponiile pali mwemwe na pa ntunguluzi zinu kwene.

1 Samueli 5:9

Lelo pacisila lino yaitwala kuku, Yawe nawe avunuka aikazi amu musumba ulya, ance na ikolo kwene, ayaponyezya ivipute.

Yakapingula 4:21

Sisela watonsile sana cakuti akasula wakwe cimwi. Lyene Yaeli atoola inondo nu lupopo lwi taalu nga anyanya aya papela pano wali. Alino mu pipi ni kutwi lyakwe apano amupampamila ulupopo mpaka iluya lusimpa mu musili.

Malango 32:10

“Wene wayazanyile yakululumba mu lwanga, mu mapoli, mu lwanga uluwatuke nupya mu cimuza ca lukungu. Atandika ukuyacingilila nu kuyasunga ningo, wakwe vino angasunga nyinalinso uwi linso lyakwe.

Kufuma 8:24

Lyene Yawe acita wakwe vino Mose wanenyile Falao ukuti ali nu kucita. Kuya vizembele kwi isano lyakwe Falao nu mu mang'anda yakwe yacilolo yakwe. Impanga ya Eguputo yonsi iyononeka ku vizembele.

Kufuma 8:17

Caleka Aaloni auma pa lutukumbu ni intuwa yakwe, nu lukungu lonsi lwamu mpanga ya Eguputo lusanguka luya inkufu. Inkufu zikunga antu ni nyama kwene.

Kufuma 8:3

Luzi lwa Nailo lumazula cuze na yacula cakuti yalafuma mu luzi nu kuya mwi isano lyako, mu muputule uno ukalala mwenemo, pa musanzi wako, mu mang'anda yakwe yacilolo yako, nu mu mang'anda ya antu yako, nga nu mu citofu cakupangila umukate nu mu viya vyakukandila umunya.

Kufuma 8:4

Yacula yalakutampukila nu kutampukila pa antu yako, nga na pali yacilolo yako yonsi.’ ”