Masamu 107:38 - Amazwi Yakwe Leza 2013

³⁸ Ayapolelela iyavyala na ana avule, nu kuteeka amaufyo ya viteekwa aula ukucepelako.

Masamu 107:38 Referans Kwoze

Kufuma 1:7

Lelo vizikulula vyao, aina Izlaeli, yavyala ana avule cuze. Impendwa yao ikula cuze yaya na maka, cakuti yalimba impanga yonsi ya Eguputo.

Utandiko 17:20

Wati unena pali Isumeli, acino ndamupolelela alaya na ana avule cuze. Alaya a isi wa ntunguluzi ikumi na ziili. Ndalenga amu mupanda wakwe ukuya uluko lukulu.

Utandiko 12:2

Ndakupeela ana avule, nga amu mupanda wako yalavula yaye umutundu ukalamba cuze. Indi nu kukupolelela muli vyonsi nu kulenga kuti ulumbuke, na kuti nce mpolelele antu yauze mu musango uli onga.

Malango 30:9

Yawe alamupeela ulongo mu milimo inu yonsi. Mulakwata ana avule ni viteekwa vivule, nga mu vyalo vinu mulaya uzombozi ukulu cuze. Yawe umwisikulu alaitemelwa kumupeela upolelelo wakwe vino wapeezile ivikolwe vinu.

Malango 7:14

Impanga yonsi pano yapela, kutalaya alakwata upolelelo ukankala ngu winu. Kutalaya umonsi nanti umwanaci wenga panomuli wino atalakwata umwana nanti iviteekwa vinu vino vitalakwata ana.

Malango 28:11

Yawe alamupeela ana avule, ni ng'ombe zivule, ni vyakulya vivule mu mpanga ino walavile ivikolwe vinu ukuti alaipeela kuli mwemwe.

Utandiko 17:16

Ndamupolelela nga nawe alakuvyalila umwana umonsi. Ndamupolelela alaya a nyina wa nko zyonsi. Mu mupanda wakwe mulafuma aene.”

Yelemiya 30:19

Ali muno mulaafuma inyimbo zyakulumbanya nu kupunda kwa nsansa. Ndayavuzya yatalatala yacepe foo. Ndayacindamika yatalasulwa foo.

Mapinda 10:22

Upolelelo wakwe Yawe uli uno ukalenga umuntu aye umukama, ni milimo yakwe ikome isiungilizyapo nanti conga.

Malango 28:4

“Yawe alamupolelela amupeele ana avule, ni vyakulya vivule cuze, nga ni ng'ombe ni mbuzi zivule.

Utandiko 30:43

Mu musango kwene uu amuno Yakobo wizile aya umukama wakwe cimwi, akwata iviteekwa vivule cuze, na aomvi anaci na aonsi, ni ngamila na yapunda.

Utandiko 9:1

Leza apolelela Nowa na ana yakwe ati, “Vyalalini musanduluke muce mulimbe insi yonsi.

Utandiko 1:28

Nga Leza ayapolelela, ayanena ati, “Muvyalane muvule mulimbe insi yonsi nu kuyangalila. Namupeela uwangalizi pa nswi, ivyunyi ivikapapuka ni nyama zyonsi zyamu nsi.”

Ezekelo 37:26

Umuomvi wane Davidi ali wino alayateeka pee na pee. Ndapangana nayo upangano uwakuti yace yasininkizya ndi vino yalaikala amanda pe umu longo. Ndayasandulula pakuti yace yakaye nyanya, nupya nemo ndasonta ni ncende yonga iya kumpepelapo umu mpanga yao, nu kuyelelela ali muno ice iyelele pee.

Kufuma 12:38

Impendwa ikulu ya antu yauze, nga ni mfwele, imbuzi nga ni ng'ombe zingi yapita navyo.

Utandiko 31:9

Caleka Leza waatola iviteekwa vyonsi ukufuma kuli so nu kupeela kunondi.

Kufuma 1:12

Lelo camupamba, lino aina Eguputo yazunya aina Izlaeli wakwe cimwi, alino impendwa ya ina Izlaeli ikulilako cuze, nga yasalangana mu mpanga ya Eguputo. Aina Eguputo iyatandika koopa aina Izlaeli.

Malango 7:13

Wene alamutemwa nu kumupolelela, cakuti mulasandana mukakwate na ana avulisye. Wene alapolelela ana inu, ni vilimwa vyamu vyalo vinu pakuti mukakwate imbezu, waini, na mafuta ya miolivi. Nga alamupolelela pa kumupeela ing'ombe ni mfwele izivule. Wene alamupeela upolelelo uu onsi mu mpanga ino walavile ivikolwe vinu ukuti ali nu kumupeela.

Yobo 12:23

Aliwe akakuzya inko, nupya aliwe kwene akazyonona. Aliwe akalenga imitundu ukusanduluka, nu kuisalanganya.