Masamu 106:46 - Amazwi Yakwe Leza 2013

⁴⁶ Wene aleka kuti yonsi yaya ayasenzile umu uzya yaye nu luse kunoyali.

Masamu 106:46 Referans Kwoze

Yelemiya 42:12

Ndamuyelela uluse pakuti namwe ace amuyelele uluse nu kumuzumilizya ukuswilila ku mwinu.’

Ezila 9:9

Twali azya, lelo wemo utatutazyezile. Wapile yamwene aku Pesya amizu akutuzumilizya ukwikala umu mpanga nu ku kuululula Ng'anda ikulu yakwe Leza. Wemo mwatupela umutende umu Yuda nu mu Yelusalemu.

Yelemiya 15:11

Yawe, sileka ivitipu vyao vyonsi vimponele ndi cakuti nsikutumikila ningo, nu kupapatila anisi yane umu nsita ino intazi na malanda vyayaponile.

1 Yamwene 8:50

Uwayela antu uluse pa maifyo yao yonsi nu kusuula utalami wao onsi, nu kuleka kuti anisi yao yonsi yayatemwe nu kuyasakamala.

Neemiya 1:11

Lyene sungala uuvwikisye ipepo lya muomvi wako namapepo ya aomvi yako yonsi yano yatemwa ukucindika izina lyako. Napapata, ungaleka lyene umuomvi wako aye nu longo. Leka nu kuti umuntu wii, umwene Alitakisesi, aye nu luse kuno ndi.” Umu manda yalya ampiti anene kwene nalemelanga umwene ulwako lwakwe waini.

2 Milandu 30:9

Nga cakuti umucumi mwaweluluka kunoli, ale lyene alalenga kuti yayo alayasenda uku uzya yayele anyonko na ana inu alamulondela apa nsizi, uluse na mizu nu kuyawezezya kumwao. Yawe Leza winu uwa luse ni cikuku. Ndi mwawela kunoli, wene alamupokelela.”

1 Yamwene 8:34

wemo uwayuvwa kuko kuno wikala kwiyulu. Antu yako fwandi uwayayela uluse pa maifyo yao yano yacita. Uwayaswilizya nu mu mpanga ino wapile ivikolwe vyao.

Ezila 1:6

Na inipamba yao nayo iyayazwilizya ukuyapeela ivintu vyalondekwanga ivili wakwe siluva na zaabu, ni viteekwa pamwi ni vyuma vyuze vya mucinzi vino yangapeela nu mwenzo wao onsi.