Masamu 105:12 - Amazwi Yakwe Leza 2013

¹² Antu yakwe Leza yali ampendwa inono, nupya yali aenyi umu mpanga ilya ya Kenani.

Masamu 105:12 Referans Kwoze

Malango 7:7

“Yawe atamutemilwe nu kumusolola pamulandu wakuti mwavulisye ukuluta antu yauze asyala. Mwemo mwali uluko lucepesye ku wingi pa antu yonsi pano nsi.

Utandiko 34:30

Yakobo anena Simeoni na Levi ati, “Yanamwe, vino mwandetelela ku ina Kenani, aina Pelizi nga nu muntu wensi mu mpanga ii amampata. Swemo aonsi tuli ncepelwa. Ndi antu yaa yalemana pamwi kuti yanzanze, lyene ang'anda itu yonsi yamalowa.”

Ayebulai 11:9

Mu utailo wene wikalanga wa mwinamasi mu mpanga ino Leza wamulavile. Wene wikalanga mu mataalu ndi vino Isaki na Yakobo ikalanga, yao apokelile ulayo uli onga kufuma kuli Leza.

Utandiko 23:4

“Nene mwinamasi nupya mwenyi kunomuli. Nkazini impanga iya kuzikapo pakuti ningazika umuci wane.”

Malango 26:5

Lyene nawe ulalanda amazwi inkolelo yakwe Yawe Leza winu uti, ‘Cikolwe cane cali icina Alamu, cico icalulumbanga, nupya caile ku Eguputo pamwi nu lupwa lwaciko. Lino yaile kweneko yali akaliumba akanono sile, lelo mukuya amanda iyasuka yansanduluka iyaya umutundu wa maka.

Ayebulai 11:12

Caleka mu muntu wii wenga, uwali kwati wafwa mpiti, mwizile mufuma amu mupanda wakwe. Nu wingi wakweyo wali wa ntanda zya mwiyulu nupya wa musensenga uwamu nkumba yakwe yemba uno utangapendwa.

Milimo 7:5

Leza atapile Abulaamu nanti ciputulwa ca mpanga kuti iye impanga yakwe, nanti impanga kulingana nu lutampulo longa awe. Lelo Leza wamulavile ukumupeela impanga ilya, nu kuti ilaya impanga yakwe nga na amu mupanda wakwe kwene aliza cisila cakwe. Pa kasita kano Leza wacisile ulayo uu, Abulaamu atakweti ana.

Ezaya 51:2

Mwelenganye apa cikolwe cinu Abulaamu, na Sala kuno mwatuntuka. Lino naamile Abulamu, wene atakweti umwana, lelo namupuusile ulutembo nu kumupeela ikwata. Lyene nasandulula ni vizikulula vyakwe.

Utandiko 17:8

Mpanga ya Kenani, muno watuwiza wa mwinamasi, ndaipela kunuli nu ku amu mupanda wako ukuya iyakwao pe na pe, nga Nani ndaya Leza wao.”

Kufuma 6:4

Nupya nacisile upangano wane nayo, injalaya kuyapeela impanga ya Kenani, impanga ino yatazile yikala mwenemo wa inamasi.