Masamu 103:20 - Amazwi Yakwe Leza 2013

²⁰ Lumbanyini Yawe, mwe angeli yakwe mwensi, mwe yacindami yamaka mwemuno mukafikilizya amasunde yakwe, mwemuno mukayela amazwi yakwe ndi wamwama.

Masamu 103:20 Referans Kwoze

Ayebulai 1:14

Uzye lyene angeli aweni? Yene ali mipasi ino ikatumikila Leza, akaituma pamulandu wa antu alapokelela ufyusi.

Masamu 148:2

Mulumbanyini mwe angeli yakwe yonsi, mulumbanyini mwe vita vyakwe vyonsi vya mwiyulu.

Luka 1:19

Lyene mungeli amwaasuka ati, “Nene Gabilieli, wino akaikala pipi na Leza, nupya natumwa kuti nize nkumanyisye nu kukunena Ilandwe Lisuma lii.

Mateo 26:53

Uzye ukwelenganya vino nemo ntangandenge kuli Tata, kuti ndakai kwene antumile maumba akulu ikumi na yaili avita vya angeli?

2 Yamwene 19:35

Uwanda kwene uwo, umu nsita ya usiku, umungeli wakwe Yawe aya mu nsakwe zya ina Asilya, nga akoma ivita amazimbi umwanda onga na makumi cinani na yasano. Lino waca akatondo antu iyalola kuno ivyala vyati visankawala monsi monsi!

Masamu 78:25

Fwandi antu nayo ali pakulya icakulya ca angeli. Leza wayapeela ivyakulya nyanya yamaikuta nu kwikuta

Mateo 6:10

Uwene wako wize, kulonda kwako kucitike pansi vino kukacitika mwiyulu.

Yowelo 2:11

Izwi lyakwe Yawe likuvwika uku nkolelo ampuka ya vita vyakwe. Impuka ya vita vyakwe iikulu wakwe cimwi. Wino wensi akucita ukulonda kwakwe Yawe, umucumi wene uwamaka. Wanda ukulu wakwe Yawe uwakoofya sana. Uzye aweni angaposya pa wanda kwene ulya?

Masamu 29:1

Pelini Yawe umucinzi mwe ana yakwe Leza, mupelini umucinzi na maka!

Ezaya 6:2

Apapela yakwe paimi yaselafimu, ala yakulunkuma sile uku cimbilimbili ca moto. Cila wenga wakweti amapa mutanda, mapa yaili ala yatiyavimba apa manso yao, nga na yaili ala yatiyavimba ingazo zyao, nga amapa asyala yaili ala akupapukila kweneko.

Masamu 148:5

Kavilumbanye izina lyakwe Yawe, pano wene wapile ilamulo, nga navyo iviumbwa.

Danieli 11:1

“Mu mwaka wakutandika wakuteeka kwakwe Dalyusi uwaku Mede, nemo intoola ulusansa lwane ukumutungilila nu kumucingilila.