Masamu 1:3 - Amazwi Yakwe Leza 2013

³ Wene waya wa muti uno yalema umu mbali ya kaluzi, nu kuseeka ukaseeka apa nsita ilingane. Amafwa ya muti uo yasitala iyuma. Vyonsi vino akacita asiposiwa.

Masamu 1:3 Referans Kwoze

Yelemiya 17:8

Wene waya wa muti uno walemwa ukuli amanzi uukasakata imisisi ukuli amanzi. Wene usiopa icipuki ndi ciza, pamulandu wakuti amafwa yakweo yakaya sile lyonsi alembe. Umu mwaka wa cilala wene usisakamala foo, nupya usita ukuseeka.”

Ezekelo 47:12

Apa cituntu ca luzi imbali zyonsi ziili palamela imiti ya viseekwa vya misango yonsi, na mafwa yakweyo yatalatala yaonze ni viseekwa vyakweyo vitalatala visile foo. Cila mwezi imiti iyo ilaaseeka iviseekwa vipya, pasi pano amanzi yayo yafuma ku ncende ipolelelwe. Iviseekwa pasi pausuma ukuvilya na mafwa ayako umulembo wakupozya.”

Masamu 92:14

Ino ikaseeka iviseekwa nalino yatikota kwene, nu kuya sile ileleme nupya iyamaka.

Yoane 15:6

Wino wensi asyaikala munondi wene alasumbwa wa musambo nu kunyala. Antu yakakolonganika misambo ndi vino uu, yaisumba mu moto, muno ikapya.

Ezekelo 19:10

Nupya nyoko wali wa mutingi uwalemilwe mupipi na manzi. Wali ulembe nupya waseekanga amatingi wakwe cimwi, pamulandu wakuti pano wali, pali amanzi avule.

Utandiko 39:23

Kalinda wa anyepwe acefya nu kwangalila, nga vyonsi vyali mu makasa yakwe Yosefu pano Yawe wacingililanga Yosefu nu kulenga kuti vyonsi vino wacitanga vyamuzipila.

Umbwilo 22:2

Uluzi luu, lwapita pakasi ka museo uwamu musumba. Cila cituntu ca luzi pali muti ukapeela umi. Muti uu wasekanga vizao maila ikumi na yaili mu mwaka, lyonga cila mwezi. Amafwa yakweyo umulembo wakupozya antu amu nko zyonsi.

Ezekelo 17:8

Yaulemile mu musili uvunde umu mbali ya manzi aingi pakuleka ukwate imisambo, useeke ni viseekwa nga nu kusanguka umutingi ukankala.

Mateo 13:6

Lyene lino ilanzi lyasanzama nu kuwala, ilyoca ivimelwa navyo vyuma, pano misisi itingile pansi.

2 Milandu 31:21

Vyonsi vino wacitanga mu milimo yakutumikila mu Ng'anda ikulu yakwe Yawe nu mukuyela amasunde, wavicitilanga apakulonda Yawe Leza nu mwenzo wakwe onsi. Ali cino wakwatanga ulongo muli vyonsi kwene.

Utandiko 39:3

Nawe waweni ukuti Yawe akaazwa Yosefu muli vyonsi vino akucita.

Masamu 128:2

Wene alalya vino amakasa yakwe yaomvile, alasansamuka nupya ivintu vilamuzipila wakwe cimwi.

Ezaya 3:10

Antu akacita ivyaololoke yene cilayazipila. Yalailyokezya ivizao vya milimo yao.

Ezaya 44:4

Yonsi yalakula usaka ungati umulemvwe utonyelelwe ningo, uno wamela umu mbali ya manzi. Yalakula wakwe yacisu yano yamela umu mbali ya luzi.

Yobo 14:9

ukaiza iupuka nga uvwa umunyezi, iulemba nu tumafwa ututekete cuze.

Mateo 21:34

Lino nsita yakuzombola yafisile, atuma aomvi yakwe ku alimi kuti yakatole mulingo wakwe uwa vizao vya matingi.

Mateo 21:19

Lyene lino walola musamvu uwali umu mbali ya museo, ayako, lelo atazanyileko vizao, suka sile mafwa. Alino aunena ati, “Kufuma ndakai utakaseeke vizao nupya.” Lilyo kwene musamvu uma.

Yuda 1:12

Antu yaa, mu vicitwa vyao vyansonyi yakolana na maala akowele lino mu kulya nao vimulo vinu vya utandano. Yakaisakamala sile aisikulu. Yakolana na makumbi akaululwa nu muza, lelo yatangaleta imvula. Yakolana ni miti isyaseeka vizao pa nsita yakweyo, ino yuuma, yatukulwa kumwi na masinte.

Ezaya 27:11

Akula insaala zyuma nu kukozoka, yamangu yiza yazyoca. Pano umutundu uu utaya na mano. Ali cino na Leza, kaumba wauko atalayaela uluse. Kaumba wao atalayuvwila amizu foo.

Mateo 21:41

“Nao yaasuka yati, alakoma alimi yaa mu musango umwi uwipisye, nu kupanzisya calo ca matingi ku alimi yauze, yano alamupeela mulingo wa vizao vino alatola pa nsita ya kuzombola.”

1 Milandu 22:11

Davidi atwalilila ukuvwanga ati, “Acino mwanane, si Yawe aye nawe, kuti uye nu longo nga ukuulile Yawe Leza wako Ng'anda ikulu, ndi muno wene walandile.

Masamu 129:8

Nanti sile apita nzila, kutange kuloleke nanti wenga uwakuti ati, ‘Yawe akupolelele! Twamupolelela umwi zina lyakwe Yawe.’ ”

2 Milandu 32:23

Antu nyanya yatandike ukwiza uku Yelusalemu, ale yakuleta amawila kuli Yawe nu wila kuli Hezekiya umwene waku Yuda. Icakuti ukufuma papo kwene, impanga zyonsi zyapelanga Hezekiya mucinzi ukalamba sana.

Mpendwa 24:6

Zyaya wa manyika ukusalala, Kwati imiyanda mumbali ya luzi, Kwati amaluwa yano Yawe walema, imikelide ino Yawe walema mumbali ya luzi.

Malango 28:8

“Yawe Leza winu alapolelela imilimo inu, alazuzya ivyakulya mu nkoma zinu. Wene alamupolelela mu mpanga ino akumupeela.

2 Yamwene 18:7

Fwandi Yawe nawe ali pakuya nawe. Nu kusyuka ali cino wasyukanga muli vyonsi vino wacitanga. Wasusile wasangukila umwene waku Asilya, wata nu kumucindika.

1 Milandu 22:13

Ndi cakuti wayela amasunde ni vipope vyonsi vino Yawe wapile Mose kuti anene aina Izlaeli, lyene ulaya nu longo. Posya nupya uzyansye. Utuvwa intete nanti kutovoka.

Yobo 22:28

Lyene ulaya nu longo mu mulimo onsi uno ulelengaya ukuomba, alino nu luswepo lulayengesela umu nzila yako yonsi.

Masamu 92:15

Yene ilalanga ukuti Yawe wakwata ulungi. Wene lili cele lyane nupya munoli mutaya ui.

Ezaya 58:11

Lyene nene ndamutungulula lyonsi sile, nu kumwimula ivintu visuma. Ndaamukomelezya nu kumusunga ningo, mulaya wa calo cino yakakontelela usaka. Mulaya wa kafukoka ka manzi yano yasiipwa.

Ezekelo 31:5

Acino umuti uo utalimpa wakwe cimwi ukuluta imiti yonsi yamu mutengo. Ni misambo yakweo ikulilako ni nsaala zyakweo zitalimpilako, zisakata pamulandu wa manzi avule.