Mapinda 5:3 - Amazwi Yakwe Leza 2013

³ Pano umulomo wakwe cizelele wakwata utwakunonongola utulyompe wa uci, amazwi yakwe yatelepa nu kusongoloka wa mafuta.

Mapinda 5:3 Referans Kwoze

Mapinda 2:16

Amano ndi yiza munuli ali yano yamakufuntusyanga uku ntalanganyi ya mwanaci ali wensi, angiza kunuli na mazwi akukulyongofya,

Mapinda 7:21

Fwandi avino amutunka apa kumukolopezya vivyo, amukwetela ing'anda kasi apa kumuongola kwakwe apa kanwa.

Mapinda 7:5

Ivintu vii vilakufuntusya uku mwanaci cizelele, nu ku mwanaci cipitepite uwakwata amazwi akulyongofya.

Mapinda 6:24

Amasunde yaa yangakufuntusya uku anaci aipe, aci ya eneco, yayo akakolopezya aonsi.

Masamu 55:21

Amazwi yakwe, yali sile asuma, lelo umu mwenzo wakwe mwene ulupato sile ali luno lwali mwenemo. Amazwi yakwe yuvwikanga atambalale fwandi mbali yali anyoleke wa lupanga.

Mapinda 5:20

We mwanane, uzye apacani cino wemo ungalyongofiwa nu mwanaci cizelele? Ungakumbatila uli umwanaci asi wako?

Mapinda 22:14

Imivwangile yakwe cizelele yaya wakwe polowe. Yano Umwene Leza wakwatila icipyu yakaponelamo.

Lwimbo lwakwe Solomoni 4:11

We nawinga wane, pa milomo yako palyompa ukuluta uci. Kwisika ya lulimi lwako kuli wa uci ni iziya. Mununko wa vizwalo vyako vili wa mununko waku Lebanoni.

Kasambilizya 7:26

Nazanyile icintu cimwi iciwaye ukuluta imfwa, umwanaci wene wakola ulukose. Icitemwiko cino wene akalanga ku onsi cikalema antu wi sumbo, alino amakasa yano akakumbatila umonsi yakafyela wa munyololo. Umonsi wino akazanzya Leza angapusuka ku mwanaci wiyo, lelo kaifya alalemwa ku mwanaci wii.