Mapinda 5:2 - Amazwi Yakwe Leza 2013

² pakuti uwaelenganya ningo na mano, alino napa kanwa kako uwavwanga ivya mano.

Mapinda 5:2 Referans Kwoze

Mapinda 16:23

Umwenzo wa muntu uwa mano ukamulenga ukucenjela umu mivwangile yakwe, nupya ukaazwa na kanwa kakwe ukusambilizya.

Mapinda 15:7

Imilomo ya muntu wa mano ikasansanta ukumanya, lelo umwenzo waciwelewele wene usicita vivyo.

Lwimbo lwakwe Solomoni 4:11

We nawinga wane, pa milomo yako palyompa ukuluta uci. Kwisika ya lulimi lwako kuli wa uci ni iziya. Mununko wa vizwalo vyako vili wa mununko waku Lebanoni.

Mapinda 15:2

Amazwi ya antu ya mano yakapa amano, lelo pa kanwa ka ciwelewele pakafomfomola uwelewele.

Mapinda 10:21

Amazwi ya muntu musuma yakasambilizya antu avule, lelo iviwelewele vyene vikafwa pamulandu wakuulilwa amano.

Masamu 119:13

Vyonsi sile vino akanwa kako kakapingula, visipuswa apa mulomo wane.

Masamu 71:15

Nemo namatakolanga usuma wako nu kuvwanga umusanya onsi apa mipususizye yako, nanti angala nemo nafika sana penepo apakumanya kuno yalola.

Masamu 45:2

Wemo wewe monsi umwi umusuma ukuluta yonsi nupya wewe kavwanga umwi akavwanga usaka sana. Umu cumi, Leza wakupolelela insita zyonsi.

Mapinda 20:15

Kwaya zaabu nu ukasi nyanya uwamutengo, lelo akanwa akakavwanga ivya mano, iciyembelo icitangapimwa nu mutengo uli onsi.

Mapinda 3:21

Mwanane uwaika umwenzo uku mano nu ku kucenjela, utaleka vifume kunuli.