Mapinda 3:6 - Amazwi Yakwe Leza 2013

⁶ Waiusya Yawe muli vyonsi vino ukucita, nga nawe amakulanganga muno ungacitila pe.

Mapinda 3:6 Referans Kwoze

Mapinda 16:3

Peela umulimo wako kuli Yawe, alino lyene na mapange yako yalafikiliziwa.

Masamu 32:8

Yawe wati, “Namakusambilizyanga nu kukulanga inzila mwakupita. Namakuwakanga nu kukupanda mano.

Filipi 4:6

Mutasakamikwa pa cintu cili consi, lelo pepini pamulandu wa vintu vyonsi, mule mukulenga Leza nu kutaizya mu myenzo.

Mapinda 16:9

Umwenzo wa muntu ukateyanya inzila yakwe. Lelo Yawe aliwe akakomya intampulo zyakwe.

Yelemiya 10:23

“Yawe Leza wamanya ukuti umuntu atange aisolwele umweneco uyo wakwe. Kusi umuntu uwakwata amaka apa umi wakwe.

Yakobo 1:5

Lelo ndi umwi uwa munomuli ulilwa mano, wene alinzile kulenga Leza, nga nawe alamupeela, pano Leza akapeela kuli yonsi kwaula kasoozi.

Ezaya 30:21

Ndi mwaca mwafuma mu nzila, mwapumbukila ukwi kasa lilungi nanti limani, mulauvwa izwi lyakwe kuno likumunena iliti, “Mwe, ala inzila aeyi kuno ndangini muilondele.”

Ezaya 48:17

Yawe, Katuula wako, Wamuzilo wilya wakwe Izlaeli, wavwanga wati, “Nene indi Yawe, Leza winu, wiyo akamusambilizya vyakuti vyamuzipila, kuti ivintu vimuzipile. Nkamutungulula umu nzila ino mulinzile kupita mwenemo.

Kolose 3:23

Mulimo onsi uno mukuomba, ombini ni myenzo inu yonsi, kwati limwi mukuombela Mwene, asi kuombela umuntu.

Kolose 3:17

Vyonsi vino mukucita nanti kulanda, nanti mukuomba milimo, mulinzile mucitile mwi zina lya Mwene Yesu, lino mukutaizya Leza Tata muli Klistu.

Mapinda 23:17

Utazuwila yakaifya umu mwenzo wako, wemo uwaopa sile Yawe amanda yonsi.

1 Kolinto 10:31

Endi, consi cino mukucita, cingaya ukulya nanti kumwa, mucicite ku lulumbi lwakwe Leza.

1 Milandu 28:9

“Acino we mwanane Solomoni, wauvwila Yawe Leza wa vikolwe vyako, nu kumutumikila nu mwenzo wako onsi, umu kuitemelwa. Pasi pano Yawe akaceceta umwenzo wa muntu ali wensi, nu kumanya ilango ni vilondwa vitu vyonsi. Ndi cakuti wamulondalonda, ulamuzana. Lelo ndi wamufutatila, nawe kwene alakutazyela umuyayaya.

1 Samueli 30:8

Davidi auzya Yawe ati, “Uzye incocovye azanzi yaa? Uzye namaya nkayazane?” Yawe nawe amwaasuka ati, “Yacocovye, nga umaya ukayazane nu kupokolola antu yonsi pyu.”

Ezaya 45:13

Anene natinkatusya Kilusi kuti uwololoke ucitwe. Ndololola inzila zyonsi muno alapitamo. Wene alakuululula umusumba wane wa Yelusalemu nu kuleka antu yane ali mu uzya yaye antungwa, ukwaula kuti umwi amulipile nanti kumupa amafukakanwa.” Avino Yawe Wamaka yonsi wavwanga.

Neemiya 1:11

Lyene sungala uuvwikisye ipepo lya muomvi wako namapepo ya aomvi yako yonsi yano yatemwa ukucindika izina lyako. Napapata, ungaleka lyene umuomvi wako aye nu longo. Leka nu kuti umuntu wii, umwene Alitakisesi, aye nu luse kuno ndi.” Umu manda yalya ampiti anene kwene nalemelanga umwene ulwako lwakwe waini.

Neemiya 2:4

Umwene ali pakunguzya ati, “Icani fwandi cino wemo ukulonda?” Lyene intala impepa kuli Leza wa kwiyulu,

Ezila 7:27

Ezila avwanga ati, “Alumbanyiwe Yawe, Leza wa vikolwe vitu, wino wika ilango mu mwenzo wa mwene kuti mu musango ukwene wakuitemelwa amuno acindikile Ng'anda ikulu yakwe Yawe yamu Yelusalemu.

2 Kolinto 8:16

Tukutaizya Leza cuze pa kulenga kuti Tito alondesye kumwazwa wakwe vino naswe tukacita kuno muli.

Mpendwa 9:20

Nsita zimwi ikumbi likalanga sile amanda yanono apapela yi Taalu. Api lamulo lyakwe Yawe aina Izlaeli yakuulanga insakwe zyao, nupya api lamulo lyakwe iyatenuka.

Neemiya 7:5

Alino Leza alanda nani apakuti nkonganike asambazi, ni ntunguluzi pamwi na antu yonsi apakuti yangapituluka umu mazina yao. Ali vino natantike amazina yakwe yao atandikile ukuwela ukufuma uku uuzya. Vivyo ali vino nazanyile ivyalemvilwe mwenemo:

Mapinda 11:5

Wololoke wa antu ampomvu ukayazwilizya umu umi wao, lelo ukwipa kwa mwenzo kukaponya umuntu umweneco.

Yelemiya 42:3

Tulengeleko uleke Yawe Leza wako atunene kuno tungaya na vino tungacita.”

Ezaya 26:7

Inzila ya muntu umulungame yaya itambalale. We Yawe, awewe walinganya inzila ya mololoke.