Mapinda 3:1 - Amazwi Yakwe Leza 2013

¹ Mwanane utailila vino nkukusambilizya, lelo lyonsi sile uwaiusya vino nakunena ukucita.

Mapinda 3:1 Referans Kwoze

Mapinda 4:5

Uwalonda amano, uwalonda nu kwiluka, utailila, utaezya nu kusula amazwi yane.

Masamu 119:16

Ivyeo vyako vikasansamusya, insiilila amazwi yako.

Mapinda 1:8

Mwanane, ala uwasumba amano kuli vino yaso yakukulangizya na vino yanyoko yakukusambilizya.

Masamu 119:93

Ntalatala nilile amasambilizyo yako, pano ali muno wansungila kuti inje umumi.

Masamu 119:34

Ndondolwela amasunde yako, nu kuyela namayayelanga nu kuyawaka nu mwenzo wane onsi.

Yelemiya 31:33

Upangano uno ndapangana na ang'anda yakwe Izlaeli, amanda ndi yapita ali uu: indika amasunde yane mu nda zyao, ndayalembela nu mu myenzo yao. Ndaya Leza wao, nayo yalaya antu yane.

Masamu 119:11

Nkawaka amazwi yako umu mwenzo wane, apakuti intaluvyanya kunuli.

Malango 8:1

“Cenjelini muyele amasunde yonsi yano natimupeela ilelo, pakuti muye nu umi, musande mu mpendwa, nga mupoke nu kwikala mu mpanga ino Yawe walavile ivikolwe vinu.

Masamu 119:153

Lolekesya apa kucula kwane, nga untuule pano nemo ntiilila amasunde yako.

Oseya 4:6

Antu yane yakononeka pamulandu wakuntamanya nene. Mwe yasimapepo mwakana ukusambilila vyapali nene, acino nani kwene ndakana ana inu yataya yasimapepo.

Malango 4:9

Ali cino fwandi cenjelini! Nupya lino mucili nu umi, mutakezye ukwilila vintu vino mweisikulu mwailolela na manso inu. Muce mwanena ku yana yinu na izikulu inu

Masamu 119:176

Inkululumba wa mfwele iponge, lelo ndanga undondole ne muzya wako, pano nemo ntapumbuka umu masunde yako.

Malango 4:23

Ali cino fwandi cenjelini! Mutailila upangano wakwe Yawe Leza winu uno wacisile namwe. Mwayela ilamulo lyakwe ilyakuti mutakezye ukuipangila akaluwi mu musango wa cintu icili consi cino wene wamulesya,

Mapinda 31:5

Pano limwi ndi yamwa, yangakoleka icakuti yilile vino yangapingula, yasuule ni nsambu zyakwe yayo akucula.

Ezaya 51:17

Zyuka we Yelusalemu, vwandamuka! Uvwile ukali lino Yawe watazile akupamola cipyu cipyu. Wene wakuumile cakuti wapempenuka, nu kupempezyoka kwati awino watakoleka!

Kufuma 20:6

Lelo nkalanga kutemwa ku nkulo mazimbi zino zyantemwa nu kuyela amasunde yane.

Masamu 91:16

Nemo namatantalizyanga na manda yao akwikala muno nsi nu kuyapususya.”

Masamu 119:61

Antu aipe yatiyanteya inkose konsi konsi, lelo amasunde yako ntange nilile, awe.

Mapinda 2:1

Mwanane, uwasambilila vino nkukunena. Utezya uwailila vino nkukukonkomezya ukucita.

Mapinda 4:2

Nemo namamupeela amalango asuma, mutezya mufume muli vino nkumusambilizya.

Mapinda 16:31

Ukumela imvwi icilongwe cimwi icaucindami, cino cikazanwa umu nzila zya ulungami.

Mapinda 23:26

Mwanane, ala sumba amano kuli vino nkukunena, uwalola vino nkaikala mu umi wane.

Malango 5:16

“‘Cindika so na nyoko wakwe vino Yawe Leza wako wakupeela ilamulo kuti amanda ya umi wako yavule nu kuti vyonsi vikuzipile mu mpanga ino Yawe Leza wako akukupeela.

Malango 5:33

Mwayela amasunde yonsi yakwe Yawe Leza winu ndi vino wamupeezile ilamulo, pakuti muye nu umi nupya mukwate ulongo nga mwikale amanda avule mu mpanga ino mulapoka nu kwikala mwenemo.

Mapinda 4:21

Utaleka vifume umu manso yako, uwaviwaka umu mwenzo wako.

Mapinda 8:1

Uzye amano yasiaama? Uzye kwiluka asisanzula izwi lyakwe?

Mapinda 9:1

Amano yakuula ing'anda yakweyo, nga yika ni ncesi zyaiko cinimbali.