Mapinda 26:12 - Amazwi Yakwe Leza 2013

¹² Uzye watala walola umuntu akaitunga ukuya uwa mano? Fwandi umu ciwelewele mwene calusya.

Mapinda 26:12 Referans Kwoze

Mapinda 29:20

Umuntu umutumpe nupya iciwelewele angaya nu upaalilo, ukuluta umuntu akavwangavwanga ukwaula ukwelenganya.

Loma 12:16

Mwasakamalana, mutaitumika lelo mwazumila ukuombela na antu yasilesile. Mutailola kuya a mano.

Mapinda 28:11

Uwa vyuma angaitunga ukuya uwa mano, lelo umupina umucenjele angamumanya.

Umbwilo 3:17

Wemo ukulanda uti, ‘Nene mukama nupya nikala ningo. Ntulilwa cimwi.’ Lelo utamanya vino wewe mucuzi nupya mulanda! Wewe mupina, wemo wewe mpafu nupya uli tupu.

Mateo 21:31

Uzye pali yaa yaili, aweni wacisile cino isi walondanga?” Nao yaasuka yati, “A silenzi wa muze.” Yesu nawe ayanena ati, “Cumi namunena vino yakasonkesya nga na yacizelele yalamukolelela kwingila mu Wene wakwe Leza.

Mapinda 26:5

Uwaasuka iciwelewele ukulingana na muno uwelewele wakweco wayela, apakuti citaitunga ukuya icamano.

Luka 18:11

Mufaliseo aimilila apepa mu mwenzo wakwe ati, ‘Nakutaizya, we Leza, pano nemo ntakolana na antu yauze ali wa antu alwiswa, aucenjezi, akalongozya nanti yao ali wakwe kasonkisya kwene wii.

Luka 7:44

Lyene aseleukila ku mwanaci nga anena Simoni ati, “Uzye walola umwanaci wii? Kufuma lino ningile mu ng'anda yako utampile manzi akufulala ku ngazo. Lelo wene wafula ingazo zyane na minsozi yakwe nu kuzikumbula ni nyele zyakwe.

Mapinda 26:16

Umuntu umukasu akaitunga ukuya umucenjele ukuluta napa antu cinimbali yano yangaasuka ningo lino yakwelenganya ivyamano.

Mapinda 22:29

Ndi cakuti wemo walola penepo umuntu umwi umu cincile umu milimo, wiyo kwene ali wino alinzile ukuombela yamwene, asi wakuombela antu asilesile foo.

Mapinda 3:7

Utaezya ukwelenganya ukuti wacenjela ukuluta pali vino waya, wemo uwakwatila Yawe icoopo, uwaleuka iviipe.

Yoane 9:41

Yesu ati, “Ndi mwali mwemwe mpafu, nga musi nu mulandu. Lelo pano mukuti mukulola, caleka mucili nu mulandu.”

Mapinda 12:15

Ivikacita umuntu iciwelewele wene akalola kwati ivisuma, lelo uwamano akauvwa umpandamano uku antu.

Mapinda 28:26

Wiyo uwataila umu mano yakwe umweneco, wene iciwelewele. Lelo wiyo akalondela ivya antu yamano, alapusuka.

Ezaya 5:21

Kalanda kuno muli mwemuno mukailola ukuti mwakwata amano nu kuti mwacenjela wakwe cimwi!