Mapinda 2:4 - Amazwi Yakwe Leza 2013

⁴ Uwavilondelela kuno vili kwati a siluva nanti icuma cimwi cino yafisa.

Mapinda 2:4 Referans Kwoze

Mateo 13:44

“Uwene wa mwiyulu ukoline na cino cikacitika lino umwi wazana cuma camutengo cino umuntu wafisa mu musili mu calo. Lino wiza wacizana, nawe acifisa nupya, nga mu luzango apita, aya akazya vyonsi vino akweti, nga aiiza akala calo kwene cico.

Mateo 19:29

Na wensi uwasya mang'anda yakwe, aina aonsi, yakaci yakwe, isi, nyina, ana nanti vyalo pamulandu wane, wene alapokelela ivingi kuluta pali vino wasya, nga nu umi wape.

Mapinda 16:16

Ukukwata malango kwazipa ukuluta zaabu, nu kucenjela kwacindama ukuluta siluva.

Yobo 3:21

Yene yakakumbwa imfwa ino itange iyafikile, nupya yakalondesya ukufwa ukucila vino yangalonda icuma icafiswa?

Luka 16:8

“Lyene mwene alumbanya kangalila uwali incenjezi pamulandu wakucenjela kwakwe, pano antu alondela vyamu nsi ii, amisango ili yonga, yacenjela kuluta antu yano yakapita mu luswepo lwakwe Leza.”

Kasambilizya 4:8

Silolini umuntu wino wikala wenga. Wene atakwata umwana nanti umwina, lelo wene akaomba pe, nga atiikuta ni cuma cino walonka. Uzye aweni wino umuntu wi akakaililwa nu kuikanya ukusansamuka? Camusango uu naco kwene icasilesile, nupya icaulanda mu wikazi wa muntu.

Mapinda 23:23

Wemo ule ukale icumi, nupya utezya kucikazya. Ukale na mano, icuvwilo nu kwiluka.

Masamu 119:127

Ala natemwa amalamulo yako ukuluta Zaabu, ukuluta Zaabu wiya kwene umusuma cuze.

Masamu 119:72

Amasunde yano wampile yaluta icuma icivule cakwe siluva na zaabu.

Masamu 119:14

Nkasansamuka umu kulondela inzila zyako, ukuluta napa vyuma vyonsi.

Masamu 19:10

Nupya ivyakukumbwa ukuluta na pali zaabu, nanti a zaabu kwene umuzipisye. Amazwi yakwe yalyompa ukuluta nu uci, ukuluta nu luto ulukatona kuli kanacisenga.

Mapinda 2:3

Uwalenga ukwiluka nu kupapatila ukucenjela.

Mapinda 8:17

Natemwa yayo antemwa, na wiyo uwacincila ukundonda akanzana.

Utandiko 26:32

Uwanda kwene ulya aomvi yakwe Isaki iza kunoli yamunena vyapa cifula cino yimbanga yati, “Twatituzana amanzi.”

Mapinda 4:7

Amano cili cintu cikulu. Caleka kwata amano. Pakulola amalango, ulinzile wasumbilapo ivyuma vyako vyonsi.