Mapinda 1:5 - Amazwi Yakwe Leza 2013

⁵ Lekini antu yamano nayo yalunduluke ukumanya umwalola amapinda ni mvwango zya wile, nga nu kuyalundilako amalango nu kulangilila asambilile intunga yampomvu,

Mapinda 1:5 Referans Kwoze

Mapinda 12:1

Umuntu uwatemwa malango wene akalondesya ukumanya ivintu vya mano, lelo uwapata ukusundwa wene watumpa

Mapinda 9:9

Vyonsi vino ungasunda uwamano, ala ivyakumulundilapo amano. Sambilizya umuntu akacita vyaololoke, nga nawe amalundapo ukumanya.

1 Kolinto 10:15

Nkulanda kunomuli wa antu yamano. Muipingule mweisikulu pali vino nkumunena.

Yobo 34:16

Ndi cakuti uli namano yakwiluka, uvwa cico, kutika kuli vino nalangasa.

Yobo 34:10

“Ali cino fwandi muvwile navwanga ukuti mwe antu ya malango kutikini ningo. Pasi pano Leza asicita icintu iciipe, awe. Wamaka yonsi asifyenga umuntu foo.

Yobo 34:34

Antu ya malango na wensi umucenjele, pali yayo akunguvwa yanganena yati,

2 Milandu 25:16

Lelo lino acili akulanda, umwene amunena ati, “Uzye wewe twasonta kuti uye mpandamano wa mwene? Si tuzya sile! Ndi watwalilila namapeela ilamulo kuti ukomwe!” Acino kasema wilya ata ukulanda. Lelo avwanga sile amazwi yaa ati, “Manyile ukuti Leza wapanga ukukonona, pamulandu wakuti wacita icintu cii nu kukana ukutezya ku mazwi yane aku kupanzya amano.”

Mapinda 14:6

Katumfya wa yauze angalondelezya amano ukwaula kuyazana, lelo umuntu mufuke wene akalooka ivintu visuma muli zuwazuwa.

Kasambilizya 9:11

Naweni icintu nacuze. Icintu cico icakuti antu yano yakwatisya ulwilo yasicimvya mu kucimvyanya, na antu aposye yasicimvya mu nkondo. Antu yamano asi lyonsi lino yakwata ivyakulya. Antu acenjele asi lyonsi lino yakaya akama. Antu asambilile asi lyonsi lino yakasyukila incito ya papela, pano isyamo likaponela umuntu ali wensi.

Malango 4:6

Muce mwayela amasunde ningo, lyene cico cilalanga antu amu nko zyuze ukuti mwemwe yamano nupya mwamanyikisya ivintu. Lino yacayuvwa amasunde yaa yonsi, yalazakaza nu kulanda yati, ‘Cumi kwene uluko luu ulukulu lwakwata amano ni cuvwilo!’

Yobo 34:2

“Namwe kwene mwe antu yamano, muvwe amazwi yane, mutezye kunondi mwe yacenjele.

Mapinda 8:33

Mwatezya ku mazwi yane autunguluzi, kuti muye na mano. Mutasuula amazwi yane foo.

Mapinda 9:8

Utakalipila umuntu wa mitumfyo, pano limwi angakupata. Kalipila umuntu uwamano, pano wene alakucindikilapo.

Mapinda 18:15

Umwenzo uno wiluka ukalundapo ukusambilila, ni kutwi lya mucenjele likalonda ukutailwa.

Mapinda 19:25

Uwa mitumfyo yalinzile yamume apakuti antu yano yatamanya umwalola amano, yasambililile kweneko. Kalipila umuntu wa mano apakuti ailuke, atezye.

Mapinda 21:11

Ndi cakuti yacuzya umuntu wa mitumfyo, ni ciwila naco akuno cikalolela kweneko, nga icicenjela nu kucenjela. Umuntu wa mano ndi yamusunda, uwa mitumfyo ali kuno angasambilila.