Malango 6:24 - Amazwi Yakwe Leza 2013

²⁴ Lyene alino Yawe Leza witu watupeezile ilamulo kuti twayela amasunde yaa yonsi nu kumucindika. Ndi twacita vii, ale lyene lyonsi kwene alawaka uluko lwitu nu kulupeela ulongo.

Malango 6:24 Referans Kwoze

Yelemiya 32:39

Ndayapeela umwenzo uze upya, ni mipitile yuze iipya apakuti yace yangopa, nga lyonsi cice cayazipila alio kwene na ana yao aalalondelela pacisila cao.

Masamu 41:2

Yawe akamucingilila nu kumusunga, akamulenga aye nu luzango muno nsi, asimusunkilizya nu mu minwe ya anisi yakwe foo.

Ezaya 3:10

Antu akacita ivyaololoke yene cilayazipila. Yalailyokezya ivizao vya milimo yao.

Loma 10:5

Pamulandu wakuya aololoke pa manso yakwe Leza, Mose walemvile ati, “Muntu akayela Masunde wene alaya nu umi mu kuyela Masunde.”

Malango 8:1

“Cenjelini muyele amasunde yonsi yano natimupeela ilelo, pakuti muye nu umi, musande mu mpendwa, nga mupoke nu kwikala mu mpanga ino Yawe walavile ivikolwe vinu.

Malango 4:1

Lyene Mose anena antu ati, “Mwayela amasunde yonsi yano nkumusunda ilelo, nga lyene mulapoka impanga nu kwikala mwenemo iyo ino Yawe, Leza wa vikolwe vinu, akupeela kunomuli.

Mateo 6:33

Mu cifulo cakwe cii mutale mulonde Uwene wakwe Leza nga nu wololoke wakwe, nga nawe alamupeela vintu vii vyonsi.

Mapinda 22:4

Ukuicefya nu koopa Yawe kukaleta ukama, ucindami nga nu umi.

Mapinda 9:12

Ndi cakuti wakwata amano, ale cimakuzipila. Ndi wewe wamitumfyo, ale wailetela sile intazi.

Masamu 66:9

Aliwe akatusunga nu kutupisya ulumi, nu kuleka ingazo zitu ukukana syetuka.

Malango 8:3

Wene wamulesile imupita ni nzala, nga lyene amupeela mana kuti mulye, icakulya cino mwemwe ni vikolwe vinu mutatazile mulye. Wene wacisile cii kuti amusambilizye ukuti umuntu atangaya nu umi pa cakulya citupu, suka api zwi lyonsi ilikafuma pa mulomo wa Mwene.

Malango 4:4

lelo mwemuno mwali acumi kuli Yawe Leza winu mucili nu umi apilelo.

Luka 10:28

Lyene Yesu ati, “Waasuka ningo. Avino wacita nga ulaya nu umi.”

Kufuma 20:20

Lelo Mose aasuka ati, “Mutuvwa intete. Leza wataiza sile kuti amwezye nu kulenga kuti mwamoopa, pakuti mutaifya.”

Malango 6:23

Yawe watufumizye mu Eguputo kuti atulete kuno nga atupeele impanga ii, wakwe vino walavile ivikolwe vitu ukuti ali nu kucita.

Malango 6:2

Lino muli nu umi, mwemwe pamwi na amu mupanda winu mulinzile ukucindika Yawe Leza winu nu kuyela amasunde yakwe yonsi yano nkumupeela, pakuti mwikale mu mpanga ilya amanda avule.

Masamu 41:3

Umu kulwala Yawe akamwazwa, nu kumuletela umutende wa mpomvu.